Accessibility links

Кайнар хәбәр

Qazaxstanda Başqortstan wäkilçelege açıla


15 üktäberdä Qazaxstan başqalası Astanada Başqortstan wäkilçelege açıla. Comğa könne ber könlek säfärgä Qazaxstanğa prezident Mortaza Räximov citäkçelegendä Başqortstan qunaqları kilä. Alar arasında respublikanıñ Däwlät Cıyılışı qorıltayı räise Konstantin Tolkaçev, prezident administrasiäse başlığı Radiy Xabirov, vise-premyerlar, ministrlar, Ufa, Stärletamaq häm Baymaq şähär başlıqları. Başqortstan wäkilçelegen açudan tış ta Başqortstan delegasiäseneñ programması bay bulaçaq. Ber kön eçendä Qazaxstan prezidentı Nursoltan Nazarbayev belän oçraşu, Başqortstan xökümäte häm Astana şähär idaräse arasında säwdä-iqtisadi, fänni-texnik, şulay uq sälämätlek saqlaw, mädäniät, turism, mäğärif häm sport ölkälärendä xezmättäşlek turındağı kileşügä qul quyu kötelä. Başqortstan prezidentınıñ köntärtibenä Almatadağı tatar-başqort oyışması belän oçraşu kertelmägän. Ämma anıñ başlığı Zifa Rafikovanıñ prezidentqa äytäse süzläre bar. Qazaxstan tatarlarınıñ ber öleşe Tatarstan yaña ğasır televideniäse häm radiosı aşa Qazan xäbärlären säğate-minutı belän belep tora ala. Başqortlar isä älegä ana telendä tapşırular qarawdan mäxrüm, häm bu mäs''älädä alar Başqortstan yardämenä ömetlänä. Qazaxstanda yäşäwçe başqortlarnı – yäşlärneñ ana telen belmäwe, öyränergä teläkläre bulmawı borçıy. Şunıñ öçen öçen dä Başqortstan belän elemtälär buldıru alar öçen bik möhim.
XS
SM
MD
LG