Äfğänstanda uzğan şimbädä ütkän prezident saylawlarında tawışlarnı sanaw eşe bügen yañartıldı. Kiçä Ramazan ayınıñ berençe könendä tawışlarnı sanaw tuqtatılıp torğan ide.
Bügen Qabulda häm ilneñ başqa saylaw üzäklärendä yözlärçä keşe yañadan bülletennärne sanaw-ayıru eşenä kereşte.
Razaman ayına qädär sanalğan 60 meñ büllentengä qarağanda, xäzerge prezident Xämit Karzai çiñep çığar dip kötelä. Xäzergä anıñ 72 protsenttan artıq tawış cıyuı turında äytelä.
Elekke mäğärif ministrı Yunus Qanuni 11 protsent tawış cıyıp ikençe urında bulırğa mömkin dielä. Abdul Räşit Dostum 9.1 protsent tawış cıyıp öçençe bulırğa mömkin.
Saylawlarnıñ täğäyen näticäläre üktäber axırında iğlan iteler dip kötelä.
