Accessibility links

Кайнар хәбәр

Omski mägärif xezmätkärläre dä bügen Rusiä külämendä ütkärelgän qarşılıq aksiäsendä qatnaştılar


Döres, qatnaşu barı tik 1 köngä eş taşlawdan ğına ğibärät buldı. Ölkäneñ mädäniät, mäğärif häm meditsina xezmätkärläreneñ hönärilär berlekläre berläşmäse mitinglar, piketlar, demonstratsiälär oyıştırırğa niätlägän bulsalar da, räsmi dairälärdän röxsät birelmäde. Säbäbe - bu könne Omskida küptän tügel genä bilgelängän prezidentnıñ wäqälätle waqile - Anatoliy Kvaşnin qatnaşlığında Seber federal' okruğı şurasınıñ utırışı baruı häm şunlıqtan uram cıyınnarınıñ tıyıluı belän añlatıldı. Qarşılıq belderep uramnarğa çığarğa röxsät bulmasa da, ölkäneñ mägärif xezmätkärläre hönärilär berlege räise Aleksandr Şram äfände suzlärençä aksiägä quşılıp, ölkä buyınça 207, şähärdä 109 mägärif uçrejdenieläre xezmätkärläre eş taşladı. Şunısı da mäğlüm, kollektivlarda citäkçelek tarafınnan zabastovkağa quşılmawnı sorap ügetläwlär häm basım yasawlar da bulğan. Omskida eşläwçe uqıtuçı Zöxrä xanım Niäzova süzlärençä, ul eşlägän mäktäptä ügetläwlär näticäsendä, aksiägä quşıludan baş tartuçılar da bulğan.

Saniä Mirxaleewa. Azatlıq radiosı. Omski

XS
SM
MD
LG