Quşma Ştatlarnıñ Bagdadtağı xärbi mäxkämäse bügen Äbü Ğraib törmäsendä Ğiraq totqınnarın ezärlekläwdä ğäyeplängän amerikan xärbie İvan Frederick eşen tikşerde. Frederick üzenä belderelgän 5 ğäyepläw belän kileşte. Alar arasında: süz berläşterü, wazifa arttıru, totqınnarğa naçar mönäsäbät kürsätü, ezärlekläw, waxşilek qılu. Advokat süzlärençä, ğäyeben tanu säbäple tağın berniçä ğäyepläw köçtän çığarılğan. İvan Frederick bülegendä xezmät itkän 6 xärbigä şundıy uq ğäyepläwlär belderelde. Berse May ayında uq ğäyeben tanıp, ber yıl törmägä xökem itelgän ide.