Accessibility links

Кайнар хәбәр

Magnitogorskida Başqortstan wäkilçelege açıldı


21 üktäber könne tışqı iqtisadi bäyläneşlär häm säwdä ministrı Boris Kolbin citäkçelegendä Başqortstannıñ räsmi wäkillege eş säfäre belän Çiläbe ölkäseneñ Mağnitoğorsk şähärenä kitkän ide. Comğa könne anda Başqortstannıñ Daimi wäkilçelegen açu tantanası häm ike töbäk wäkilläreneñ söyläşüläre ütte. Daimi wäkilçelek eşçänlegen alıp baru wäqälätläre Çiläbe ölkäsendäge «Başqortstan Säwdä yortı»na yöklätelä. Wäkilçelek eşen Andrey Nazarov atlı eşquar citäklägän şuşı «Säwdä yortı» üzeneñ çığanaqları, üz tabışları isäbenä oyıştıraçaq.

Başqortstan tışqı iqtisadi bäyläneşlär häm säwdä ministerı Boris Kolbin süzlärençä, Çiläbe ölkäsendäge wäkilçelekneñ eşçänlege törle yünäleşlärdä alıp barılaçaq. İqtisadi xezmättäşlek, sosial yünäleştä häm mädäniät, mäğärif ölkälärendäge elemtälärne arttıru xästärleklären «Başqortstan Säwdä yortı» tulısınça üz östenä ala. Mağnitoğorsk şähärendä urnaşqan bu şirkät Çiläbe ölkäsendä yäşäwçe tatar häm başqortlarnıñ milli – mädäni ixtiacların qänäğätländerügä dä üzeneñ layıklı öleşen kerter, digän ömeten belderä Boris Kolbin.
XS
SM
MD
LG