Berençel näticälärgä qarağanda Äfğanstanda 9 üktäberdä ütkän prezident saylawlarında tawışlarnıñ küpçelegen ilneñ waqıtlı citäkçese Xomid Karzai cıyğan. Alay da, älegä ul ciñüçe dip iğlan itelmäde. Belgeçlär törkeme başqa namzätlärdän alğan şikäyätlärne tikşerä. Räsmi näticälär tağın ber atnadan iğlan iteler dip kötelä. Bügen iğlan itelgän näticälärgä qarağanda, barlığı 7 million-yarımğa yaqın tawış sanalğan. Şularnıñ 55 protsent çaması Karzai öçen. Anıñ iñ yaqın köndäşe Yunıs Qanuni 38 protsentqa qalışa. Qanuninıñ süzçese Säet Nuri - Karzainı ciñüçe dip atadı.