Accessibility links

Rusiäneñ Soyuz karabı ğälämnän qayttı


İke Rusiä häm ber amerikan astronavtın qaytarğan maxsus caylanma Qazaxstan dalasına, bilgelängän urında häm waqıtta töşte. Ğälämdä 6 ay ütkärgän Gennady Padalka xalıqara stansiä belän citäkçelekne amerikan astronavtı Leroy Chiao''ğa tapşırdı:

Audio (Padakla, Chiao)

Şunnan soñ Padalka, anıñ belän yartı yıl bergä eşlägän amerikan astronavtı Mike Fincke häm stansiägä ber atna elek kenä kilgän Rusiä Ğäläm köçläreneñ berençe kosmanavtı Yuri Şargin cirgä qaytu öçen stansiädän Soyuz karabına küçtelär. Cirgä töşep ayaq basqaç amerikan astronavtı berençe täesiratı belän urtaqlaştı:

Audio (Mike Fincke): "Atmosferaga kergäç, yanudan saqlağan tışlıqnıñ qubıp oçuın kürdek. Bu feirwerk tösle, bik matur ide."

Uzğan yılnıñ fivralendä Quşma Ştatlarnıñ Columbia karabı qazağa oçrap 7 astronavt ülgännän soñ, ğälämgä oçular xäzer Rusiä karaplarında başqarıla.

Padalka belän Fink xalıqara stansiädä Aprildän birle eşläde. Şul waqıt eçendä 4 tapqır açıq ğälämgä çığıp kerdelär. Awırlıqlar da buldı, ike tapqır stansiädä kontrol yuğalıp aldı. Soyuz karabı belän totaşu da avtomatik räweştä barıp çıqmadı. Alayda bügen astronavtlar häm räsmilärneñ käyefe kütärenke ide. NASA başlığı Sean O''Keefe Rusiä idarä üzägendä bolay dide:

Audio (Sean O''Keefe): "Xäzer bezneñ xezmättäşlek iñ yuğarı däräcädä. Alda torğan awırlıqlarnı bik yaxşı añlıybız. Xalıqara stansiä, Roskosmos wäkilläre belän monnan da yaxşıraq mönäsäbät kötep bulmıy."

Xäzer xalıqara stansiädä Rusiäle Salijan Şäripov belän amerikan Leroy Chiao eşläp qaldı.

-Ali Gilmi
XS
SM
MD
LG