Accessibility links

Кайнар хәбәр

Britaniä Basradağı ğäskärlären Bağdad tiräsenä küçerä başladı


850 britan xärbie Bağdadtan könyaqtaraq qarşılıq kürsätep kilüçe töbäkkä küçerelä. Alar kilep urnaşqannan soñ AQŞ ğäskärläre Fällücä şähärendä häm başqa urınnarda qarşılıq kürsätüçe ğisyançılarğa qarşı suğışuçı köçlärgä yardämgä kitäçäk. Ğiraq xakimiätläre yaña xärbi xezmätkä alınğan qoralsız 49 ğiraq soldatın üterü eşen tikşerügä kereşüläre turında belderde. Xökümät äytüençä, tikşerüçelär ğisyançılarnıñ ğäskärkär turında mäğlümät alu öçen xärbilär arasına ütep kergän bulu mömkinlegen tikşerä. AQŞ xärbiläre äytüençä, bügen Bağdadta AQŞ konvoyına qarşı bomba höcüme näticäsendä ber amerikan xärbie ülgän, 4-äw yaralanğan. Bomba mototsiklğa quyılğan dip isäplänelä. Parijda terkälgän, açlıqqa qarşı köräşüçe törkem iminlek citmäw säbäple üz xezmätkärlären Ğiraqtan çığaruın iğlan itte.
XS
SM
MD
LG