Aylar buyı barğan saylawaldı marafonın Bush ta, Kerry dä soñğı minutlarğa qädär tuqtatmadı, fiker beleşülär alarnıñ ikeseneñ dä yaqınça bertigez yaqlanuın kürsätep kilde, bigräk tä xalıq sanı şaqtıy bulğan ayırım ştatlarda häm şuña kürä alarnıñ härberse üz tarafdarların soñğı mizgelgä qädär arttırırğa tırıştı. Xäzerge prezident häm respublikan nämzäte George Bush, misal öçen, 19 säğät eçendä genä 6 ştatta bulıp qaytırğa ölgerde. Andağı çığışlarında ul üzen ilne xäwefle zamanda saqlarlıq "suğış prezidentı" itep sürätlärgä omtıldı. İowa ştatınıñ Sioux şähärendä Bush Quşma Ştatlarnı 2001-nçe yılnıñ 11-nçe sintäbrendäge tösle höcümnärdän saqlaw zaruriatenä basım yasadı.
Audio, George Bush
"Amerikan prezidentınıñ iñ ğäziz burıçı - ul amerikan xalqın yaqlaw, di prezident Bush, üz tarafdarları arasında alqışlar uyatıp. "Ägär dä Amerika şuşı şomlı çorda täwäkälsezlegen häm köçsezlegen kürsätä ikän, bar dönya faciğägä taba awışaçaq. Minem küzätüem astında bu berqayçan da bulmayaçaq" dip belderä respublikan nämzät häm xäzerge prezident George Bush. Demokrat däğwaçı John Kerry dä saylawçılarnı ügetläw eşendä añardan qalışmadı, düşämbedä genä dä ul ilneñ 4 ştatında bulıp 6 urında tuqtalış yasadı. Kerryneñ soñğı saylawaldı çığışı tuğan ştatı Massachussetsta buldı.
Audio, John Kerry
"Ägär dä sez, bezneñ bu dönyada Amerikanı tağın da qüwätleräk itä aluıbızğa, abruyıbıznı torğızuğa, terrorğa qarşı tağın da näticäleräk köräş alıp baruıbızğa ışansağız häm ägär dä sez defitsitnıñ çamadan tış yuğarı buluı belän kileşep, ildä finans cawaplılıqnı torğızırğa teläsägez - min sezdän bu ilneñ yünäleşen üzgärtü eşendä miña quşıluığıznı ütenäm" di demokrat nämzät John Kerry. Küzätüçelär bıyılğı saylawlarnı 1960-nçı yılda, respublikan Richard Nixon häm demokrat John Kennedy arasında barğan köräşkä tiñli. Ul çaqta az ğına östenlek belän uñışqa Kennedy ireşkän ide. Bıyılğı kampaniä isä ul çaqtağısınnan tarixtağı iñ zur çığımnar belän genä ayırıla. Üktäbr urtalarına här ike yaq ta ber milliard 250 millionlap dollar sarıf itte, respublikannar yağında bu san az ğına kübräk. Fiker beleşü näticäläre, Bushnıñ Kerrydän beraz alda baruın kürsätkän ide. Läkin soñğı könnärdä şuşı ike nämzätne yaqlaw tigezlände digän xäbärlär buldı. Bu çınnan da şulay ideme, ällä inde yalğış faraz buldımı, monı tağın berniçä säğättän soñ belep bulaçaq. Xäzerge waqıtta Quşma Ştatlarda tawış birü bara, ildäge soñğı saylaw urını Qazan waqıtı belän çärşämbe irtän 8-dä yabıla. Ul Hawai utrawlarında urnaşqan. Azatlıq radiosı üz tıñlawçıların amerikan saylawları näticäläre belän tanıştırıp toraçaq. Kärim Kamal
Audio, George Bush
"Amerikan prezidentınıñ iñ ğäziz burıçı - ul amerikan xalqın yaqlaw, di prezident Bush, üz tarafdarları arasında alqışlar uyatıp. "Ägär dä Amerika şuşı şomlı çorda täwäkälsezlegen häm köçsezlegen kürsätä ikän, bar dönya faciğägä taba awışaçaq. Minem küzätüem astında bu berqayçan da bulmayaçaq" dip belderä respublikan nämzät häm xäzerge prezident George Bush. Demokrat däğwaçı John Kerry dä saylawçılarnı ügetläw eşendä añardan qalışmadı, düşämbedä genä dä ul ilneñ 4 ştatında bulıp 6 urında tuqtalış yasadı. Kerryneñ soñğı saylawaldı çığışı tuğan ştatı Massachussetsta buldı.
Audio, John Kerry
"Ägär dä sez, bezneñ bu dönyada Amerikanı tağın da qüwätleräk itä aluıbızğa, abruyıbıznı torğızuğa, terrorğa qarşı tağın da näticäleräk köräş alıp baruıbızğa ışansağız häm ägär dä sez defitsitnıñ çamadan tış yuğarı buluı belän kileşep, ildä finans cawaplılıqnı torğızırğa teläsägez - min sezdän bu ilneñ yünäleşen üzgärtü eşendä miña quşıluığıznı ütenäm" di demokrat nämzät John Kerry. Küzätüçelär bıyılğı saylawlarnı 1960-nçı yılda, respublikan Richard Nixon häm demokrat John Kennedy arasında barğan köräşkä tiñli. Ul çaqta az ğına östenlek belän uñışqa Kennedy ireşkän ide. Bıyılğı kampaniä isä ul çaqtağısınnan tarixtağı iñ zur çığımnar belän genä ayırıla. Üktäbr urtalarına här ike yaq ta ber milliard 250 millionlap dollar sarıf itte, respublikannar yağında bu san az ğına kübräk. Fiker beleşü näticäläre, Bushnıñ Kerrydän beraz alda baruın kürsätkän ide. Läkin soñğı könnärdä şuşı ike nämzätne yaqlaw tigezlände digän xäbärlär buldı. Bu çınnan da şulay ideme, ällä inde yalğış faraz buldımı, monı tağın berniçä säğättän soñ belep bulaçaq. Xäzerge waqıtta Quşma Ştatlarda tawış birü bara, ildäge soñğı saylaw urını Qazan waqıtı belän çärşämbe irtän 8-dä yabıla. Ul Hawai utrawlarında urnaşqan. Azatlıq radiosı üz tıñlawçıların amerikan saylawları näticäläre belän tanıştırıp toraçaq. Kärim Kamal