Accessibility links

Qazaxstan Mäcles räise urınnan kitkänçe deputatlarğa möräcäğät itte


Uzğan ayda Qazaxstan parlamentına ütkän saylawlarda bulğan xärämläşülärgä protest yözennän urnınnan kitüçe Mäcles räise Jarmaxan Tuyakbay, deputatlarğa, xökümät qanunnarnı xörmät itergä tieş, dip belderde. Yaña parlament berençe sessiäsenä cıyılğançı Tuyakbay Mäcles başlığı bulıp qalaçaq. Saylawlarda xakimiättäge Otan partiäse parlamentta küpçelek urınnarnı aldı. Mäcles aldında bügen soñğı tapqır çığış yasap, Tuyakbay, xökümät räsmiläre qanunnarnı ütämi torıp – demokratik tärräqiät mömkin bulmayaçaq, dip belderde. "Bezneñ ildä demokratiä üsmi, qanunnar ütälmi. Häm monıñ töp säbäbe – qanun xakimiäte yuqlığı. Qanunnar häm konstitusiä xörmät itelsä, wazğiät başqa törle bulır ide. Xäzerge citäkçelek, qanunnarnı iñ küp xörmät itmäwçelär," dide wazifasınnan kitüçe parlament başlığı. Bu belderüdän soñ berniçä säğat uzğaç 77 keşelek mäclestäge berdän ber oppozisiä deputatı, Aq Jol partiäse wäkileneñ dä protest yözennän urınınnan kitüe mäğlüm buldı. Qazaxstannıñ yaña mäclese üz eşen aldağı 5 kön eçendä başlayaçaq. Qazaxstannıñ könbatışında neft ütkärgeçendä bulğan şartlawda bügen 3 keşe hälak bulğan, 3se yaralanğan. Şartlawnıñ säbäbe tikşerelä. Yanğınnı sünderügä 9 säğat waqıt kitkän.
XS
SM
MD
LG