Fransiä başqalasında bügen İran, Britaniä, Fransiä häm Germaniä diplomatları oçraşuı uza. Älege söyläşülär – İrannıñ uran bayıtu programmasın tuqtatuğa bağışlanğan inde 3nçe oçraşu bula, berençe ike oçraşu Venada uñışsız tämamlanğan ide. Yevropa diplomatları İranğa, atom programmasın tuqtatu qarşılığı bularaq – säwdä kileşüläre häm tınıç maqsatlarda qullanu öçen atom texnologiäläre täqdim itä. İran, atom programmasın tuqtatırğa cıyınuı turında inde 6 ayğa yaqın waqıt söyläp kilä. Bügen Brüsseldä Yevropa Berlege summitı waqıtında Hollandiäneñ tışqı eşlär ministrı Bernard Bot, İran tiräsendäge wazğiätne çişü tırışlıqların däwam itäçäklären belderde.
