Gruziä politsiäse äytüençä, Gruziä belän Könyaq Osetiä arasındağı milli kierenkelek artu säbäple soñğı berniçä köndä totıq itep alınğan 40-lap keşe bügen azat itelgän.
Şida Kartli rayonınıñ politsiä başlığı Associated Press agentlığına ike yaq arasındağı söyläşülär näticäsendä barlıq totıqlar da Tamaraşeni awılında azat itelde dip beldergän.
Şida Kartli rayonı Könyaq Osetiä belän Gruziä arasında urnaşqan. Uzğan çärşämbedä ber gruzin yuğalğannan soñ ike yaq ta totıqlar ala başladı.
Gruzinnär ul keşeneñ yuğaluında Könyaq Osetiälelärne ğäyepläde häm töp yulnı waqıtlıça yaptı. Annan soñ cawap itep Osetinnar da yulnı üz yaqlarınnan yaptı.
Yuğalğan gruzingä ni bulğanlığı äle dä mäğlüm tügel, anı ezläw däwam itä.
