Premyer İyäd Ğälläwi süzlärenä qarağanda, ğädättän tış xäl Ğiraqta 60 köngä kertelä häm ul tönyaqtağı Kördstannan qala ilneñ bar töbäklärenä dä tarala. Körd rayonnarı älegä iminlek yağınnan tınıç sanala. Ğädättän tış xäl Ğiraq xakimiatenä ilneñ ayırım urınnarında xäwef xäle kertü, cıyınnar wä xäräkät ireklegen çikläw, öylärdä maxsus röxsätlärsez tentülär ütkärü häm şikle keşelärne bilgele ber waqıtqa totqarlaw mömkinlegen birä. Düşämbedä Ğälläwi üzeneñ şuşı yaña xoquqlarınnan faydalanıp ğisyançılarğa qarşı höcüm başlanğan Fällucada häm tağın Ramada şähärendä xäwef xäle kertüen, Bagdad xalıqara hawa alanın 48 säğätkä yabuın iğlan itte. Qayber belgeçlär fikerençä, Ğiraq xökümäte ildä ğädättän tış xäl kertügä, amerikan xärbiläreneñ Fällucağa höcüm başlawı aldınnan barırğa bulğan, anda şul höcüm näticäsendä ğadi xalıq arasında zur yuğaltular bula ala, ä ğädättän tış xäl ul ülemnärne aqlawnı ciñeläytä ala. Dubaydağı Farsı qultığı tikşerenü üzägendä eşläwçe Mostafa Alani:
Audio, Mostafa Alani
"Ğädättän tış xälne iğlan itüneñ waqıtı asılda Fälluca höcümenä turı kiterelä, ul höcüm şul çaralarnıñ ber öleşe bulaçaq. Häm ul Fällucada suğışırğa cıyınğan Ğiraq köçlärenä qanuni yaqlaw birä. Ğälläwi monıñ kiräklegen añlıy, çönki ul Fälluca suğışınıñ ciñel bulmayaçağın, küp keşe qırılaçağın sizä, ul kiläçäktä monıñ öçen tänqitlänäçäk häm şuña kürä ul üzenä qanuni ber qaplanu teli" dip belderä Mostafa Alani. Amerikannarnıñ Fällucadağı ğisyançılarğa qarşı moña qädär oyıştırğan höcüme näq menä ğadi xalıq arasındağı yuğaltularnıñ bik yuğarı buluı säbple tuqtatılğan ide. Alani süzlärenä qarağanda, Ğiraqta ğädättän tış xäl iğlan itüneñ Fällucadağı höcümgä qanuni ber tübä birüdän tış başqa xäcäte yuq ta.
Audio, Mostafa Alani
"Ğämäli yaqtan qarağanda, ğädättän tış xäl Ğiraqta inde soñğı berniçä ay däwamında kertelgän kileş. Politsiä wäkalätläre, bernindi qanuni cawaplılıqsız, mäxkämä röxsätennän başqa qulğa alular - bolar barısı da ğädättän tış xäl bulıp tora" di Mostafa Alani, Ğiraqta moña qädär dä xökem sörgän xoquqi wäzğiat turında. Başqa küzätüçelär, Bagdadtağı üzäk xökümätneñ şundıy qırıs çaralar iğlan itüe, anıñ ilneñ ğisyan kütärergä telägän başqa töbäklärenä, här şundıy omtılışqa qarşı tieşle çaralar kürergä äzer toruın kürsätä dip uylıy. Monı premyer İyäd Ğälläwi üze dä turıdan-turı äytte. Ul, ğädättän tış xäl kertü bezneñ ildäge iminlekne nığıtu mäs''äläsendä bik citdi buluıbıznı kürsätä dip belderde. Moñardan tış, Ğiraqnıñ başqa töbäklärendä Fällucadağı ğisyançılarğa qarata simpatiä küzätelä häm Bagdadtağı üzäk xökümät moña kirtä quyarğa teli. İldä 60 köngä genä bulsa da ğädättän tış xäl iğlan itü artında menä şundıy säbäplär yata ala. Ul ğinwarnıñ 27-senä bilgelängän ğomumi saylawlar aldınnan ğına köçtän çığarılaçaq.
Kärim Kamal
Audio, Mostafa Alani
"Ğädättän tış xälne iğlan itüneñ waqıtı asılda Fälluca höcümenä turı kiterelä, ul höcüm şul çaralarnıñ ber öleşe bulaçaq. Häm ul Fällucada suğışırğa cıyınğan Ğiraq köçlärenä qanuni yaqlaw birä. Ğälläwi monıñ kiräklegen añlıy, çönki ul Fälluca suğışınıñ ciñel bulmayaçağın, küp keşe qırılaçağın sizä, ul kiläçäktä monıñ öçen tänqitlänäçäk häm şuña kürä ul üzenä qanuni ber qaplanu teli" dip belderä Mostafa Alani. Amerikannarnıñ Fällucadağı ğisyançılarğa qarşı moña qädär oyıştırğan höcüme näq menä ğadi xalıq arasındağı yuğaltularnıñ bik yuğarı buluı säbple tuqtatılğan ide. Alani süzlärenä qarağanda, Ğiraqta ğädättän tış xäl iğlan itüneñ Fällucadağı höcümgä qanuni ber tübä birüdän tış başqa xäcäte yuq ta.
Audio, Mostafa Alani
"Ğämäli yaqtan qarağanda, ğädättän tış xäl Ğiraqta inde soñğı berniçä ay däwamında kertelgän kileş. Politsiä wäkalätläre, bernindi qanuni cawaplılıqsız, mäxkämä röxsätennän başqa qulğa alular - bolar barısı da ğädättän tış xäl bulıp tora" di Mostafa Alani, Ğiraqta moña qädär dä xökem sörgän xoquqi wäzğiat turında. Başqa küzätüçelär, Bagdadtağı üzäk xökümätneñ şundıy qırıs çaralar iğlan itüe, anıñ ilneñ ğisyan kütärergä telägän başqa töbäklärenä, här şundıy omtılışqa qarşı tieşle çaralar kürergä äzer toruın kürsätä dip uylıy. Monı premyer İyäd Ğälläwi üze dä turıdan-turı äytte. Ul, ğädättän tış xäl kertü bezneñ ildäge iminlekne nığıtu mäs''äläsendä bik citdi buluıbıznı kürsätä dip belderde. Moñardan tış, Ğiraqnıñ başqa töbäklärendä Fällucadağı ğisyançılarğa qarata simpatiä küzätelä häm Bagdadtağı üzäk xökümät moña kirtä quyarğa teli. İldä 60 köngä genä bulsa da ğädättän tış xäl iğlan itü artında menä şundıy säbäplär yata ala. Ul ğinwarnıñ 27-senä bilgelängän ğomumi saylawlar aldınnan ğına köçtän çığarılaçaq.
Kärim Kamal