Ğiraq premyer minsitrı İyad Älläwi AQŞ häm Ğiraq ğäskärlärenä ğisyançılar qulındağı Fällücä şähären yawlarğa wäkalät birüe turında belderde. AQŞ citäkçelegendäge köçlär şähärgä höcüm başladı dielä
Fällücä Bağdadtan 60 çaqrımlap könbatışta urnaşqan.
Älläwi matbuğat oçraşuında bu höcümneñ maqsatı şähärdä terrorçılarnı beterü häm tärtip urnaştıru dide.
AUDİO: Bez terroçılarğa qarşı barabız. Bez başqa beräwgä dä qarşı tügel. Häm barlıq Ğiraq xalqı, şul isäptän Fällücä xalqı bezneñ monı eşläwebezne terrorçılarne beterüebezne häm Fällücädä qanun tärtibe urnaşuın teli, häm bez monı eşlärgä cıyınabız.
Älläwi äytüençä, ul Fällücädä häm yaqındağı Ramadi şähärendä kommendant säğätläre iğlan itkän häm Bağdad xalıqara hawa alanın 48 säğätkä yapqan. Ul şulay uq İordaniä, Süriä belän Ğiraq arasındağı çik buyında qatıraq tikşerülär buldırırğa, barı tik zarur bulğan tawarlarnı ğına çik aşa ütkärergä quşqan. Fällücä yanında 10 meñläp AQŞ xärbie, häm beraz Ğiraq xärbiläre bar. Fällücä xalqınıñ küpçelege annan kitkän dielä.
AUDİO: Bez terroçılarğa qarşı barabız. Bez başqa beräwgä dä qarşı tügel. Häm barlıq Ğiraq xalqı, şul isäptän Fällücä xalqı bezneñ monı eşläwebezne terrorçılarne beterüebezne häm Fällücädä qanun tärtibe urnaşuın teli, häm bez monı eşlärgä cıyınabız.
Älläwi äytüençä, ul Fällücädä häm yaqındağı Ramadi şähärendä kommendant säğätläre iğlan itkän häm Bağdad xalıqara hawa alanın 48 säğätkä yapqan. Ul şulay uq İordaniä, Süriä belän Ğiraq arasındağı çik buyında qatıraq tikşerülär buldırırğa, barı tik zarur bulğan tawarlarnı ğına çik aşa ütkärergä quşqan. Fällücä yanında 10 meñläp AQŞ xärbie, häm beraz Ğiraq xärbiläre bar. Fällücä xalqınıñ küpçelege annan kitkän dielä.
