Accessibility links

Кайнар хәбәр

Rusiä prezidentı Vladimir Putin Ukrainağa kilde


Bu anıñ soñğı 2 atnadağı ikençe Ukraina säfäre. Putin belän Ukraina prezident Leonid Kuçma Azov diñgezendäge Kavkaz portında söyläşülär ütkärgännän soñ Kerç portına kitte. Qırımğa kilgäç tä alar belän Ukraina premyer ministrı Viktor Yanukoviç oçraştı. 21-nçe noyäberdä Ukrainada prezident saylawlarınıñ ikençe turı ütäçäk. Anda namzät bularaq Rusiägä yöz totuçı Yanukoviç belän Könbatışqa qarawçı oppozitsion Viktor Yuşçenko qatnaşa. Üktäberdä saylawlarnıñ berençe turına 3 kön qala Putin Kievta bulğan ide. Ul säfär Yakunoviç faydasına oyıştırıldı dip sanaldı. Prezident Kuçma berençe turda Yuşçenko çiñep çıqqan yäki küp tawış cıyğan 11 ölkäneñ citäkçelären wazıyfalarınnan töşerde. Kuçmanıñ 3 kön elek imzalanğan bu färmanı bügen parlamentnıñ internet säxifäsenä çığarıldı.
XS
SM
MD
LG