Suxum. Prezident urınına däğwa itkän Sergey Bagapş tarafdaralarınıñ comğa könne abxaz başqalasındağı möhim xakimiat binaların yawlap alğannan soñ andağı wäzğiat kierenke bulıp qala birä. Bagapş başta, üktäbrtä uzğan prezident saylawlarında ciñüçe dip iğlan itelgän ide, ämma soñraq tawış birüdä xärämläşülär açıqlanuı säbäple anıñ näticäläre ğämäldän çığarıldı häm yaña saylaw iğlan itelde. Abxaziäneñ xäzerge prezidentı Vladislav Ardzinba Bagapş tarafdarlarınıñ xakimiat binaların yawlap aluın fetnä oyıştıruğa tiñläde. Rusiä isä üzeneñ Abxaziädäge mänfäğätlären yaqlayaçağın belderde, Gruziä tışqı eşlär ministrı Salome Zurabişvili Mäskäwneñ şuşı belderüen "qabul itelmäslek" närsä dip bäyäläde.
