Ğiraqtağı amerikan ğäskäriläre, Ğiraq xökümäte köçläre yardämendä Fälluca şähärendäge höcümen bügen dä däwam itte. Ğiraqnıñ däwlät iminlege kiñäşçese Qasıym Dawıt, altı kön barğan suğışlarda meñnän artıq ğisyançı yuq itelde, 200-läbe qulğa alındı dip belderde. Ul arada wäzğiat ilneñ tönyağındağı Mosul şähärendä şaqtıy kierenkelände. Ğiraqtağı şuşı soñğı xällärgä "Azatlıq" radiosınıñ köndälek küzätüe bağışlana, ul beraz soñraq yañğırar. Ä xäzer başqa möhim xäbärlär.