Accessibility links

Кайнар хәбәр

Ğiraqnıñ Qızıl Yarımay cämğiatenä Fällüca şähärenä kerü haman da tıyıla


Fälluca. İminlek citeşmäwne sıltaw itep Ğiraqnıñ şuşı şähärendäge amerikan xärbiläre, humanitar yardäm kitergän Qızıl Yarımay cämğiatenä Fällucağa kerüne älegä röxsät itä almawın belderä. Amerikan yağı süzlärenä qarağanda, şähärneñ qayber urınnarında qarşılıq kürsätü däwam itä. Fälluca şähäre xalqı inde altı könnän artıq azıq-töleksez, eçär susız yäşi. Ğiraqnıñ waqıtlı sälämätlek saqlaw ministrı Ğäläwetdin Abdul Sähib Ädwan, Fällucada "humanitar häläkat" çığudan qurqu nigessez dip belderde. Ğadi xalıq arasındağı yuğaltularnı ul 20 tiräsendä genä dip bilgeläde.
XS
SM
MD
LG