Accessibility links

Кайнар хәбәр

Kommunistlar plenumı parlamenttağı iptäşlären firqädän quğan


Uraza gäyete, Tatarstanda, barlıq şähärlärdä, awıllarda uqıldı. Tatarlar ğına tügel, möselman dinen totuçı başqa millät wäkilläre dä Uraza ğäyeten bäyräm itte. Bu xaqta «Tatar-inform» agentlığı xäbär itte. Säyäsi tormışta da, qızıqlı waqiğalar bulıp tora. Düşämbedä, cämäğätçelek wäkilläre, şimbä könne bulğan xakimiät firqäse utırışı xaqında fiker alıştı. 13 noyäberdä «Berdäm Rusiä» firqäseneñ Tatarstan bülege çirattan tış utırışın ütkärde. Tatarstan Prezidentınıñ anda yasağan çığışı, mäğlümat agentlıqlarnıñ iğtibarın cälep itte. Ul anda, Rusiä Prezidentı täqdimnäre qarata fiker belderep, xakimiät firqäse ğämälläre arasında qarşılıq barlığın kürsätte. Mintimer Şäymievnı, Dumadağı tawış birü näticäläre ğäcäpkä qaldırğan. Xakimiät firqäsennän torğan Duma deputatları, şul uq «Berdäm Rusiä» tarafdarlarınnan torğan cirle parlamentlarnı quyıp taratu turındağı matdäne yaqlawı Prezidentqa añlaşılmıy. İctimaği, säyäsi eşlärdä töbäk citäkçeläreneñ fikere isäpkä alınmasa, firqädä berdämlek bulmayaçaq, digän Mintimer Şäymiev. Ul şulay uq, Rusiä däräcäsendä milli säyäsätneñ ütkärü häm federalizm turında onıtılmaw möhim, dip äytkän bulğan. «Berdäm Rusiä» firqäse Yuğarı Şurası räistäşe Mintimer Şäymievnıñ bu belderülärenä qarata, Rusiä säyäsätçeläre älegä mönäsäbät beldermäde.

Kommunistlar firqäseneñ cirle bülege dä üzeneñ cıyılış ütkärde, anda da berdämlek mäs’äläse aktual buldı. Kommunistlar firqäseneñ respublika komitetı plenumı qararı belän Aleksandr Saliy, Näsimä Stolärova, häm Robert Sadıkov firqädän çığarılğan. Näsimä Stolärova, «Tatar-inform» agentlığına beldergänçä, quyılğan iptäşlär plenum qararınıñ qanunıylığın tanımıy. «Tawış birüdä respublika cirle oyışmalarınıñ 10 % ğına qatnaşqan, ul 23 keşe bezneñ yazmışnı xäl itä almıy. Ä Däwlät Şurasındağı kommunstlar fraksiäse üzgäreşsez qalaçaq», digän Näsimä Stolärova.

Qazan däwlät universitetınıñ 200 yıllığına bağışlanğan yubiley çaraları däwam itä. Törle däräcädäge qunaqlar inde yäkşämbe könne üq kilä başladı. Alar arasında Rusiä häm Yevropa yuğarı uqu yortları citäkçeläre dä bar, dip xäbär itelä. Bäyräm çaraları qısalarında, Bolon protsessı turında söyläşü baraçaq.

Ä 16 noyäberdä Qazanda, Konstitutsion mäxkämä qararın kötälär. 1 ay elek, Tatarstan tırışlığı belän başlanğan mäxkämä eşenä qarar çığarılırğa tieş. Süz, töbäklär, yazu saylarğa xaqlımı, yuqmı, digän mäs’älä xaqında bara. Konstitutsiä mäxkämäse, latin grafikasına qağılışlı şikäyätkä nindi qara çığarır, älegä farazlap qına bula.

Bikä Timerova.

XS
SM
MD
LG