Başxakim Theodore Meron äytüenä qarağanda bıyılğı finans problemaları Yugoslavie Suğış Cinayätläre Mäxkämäseneñ eşçänlegenä bik tiskäre yoğıntı yasağan.Tribunal xezmätkärläreneñ 10%ın yuğaltu BMO İminlek Şurası bilgelägänçä wazıyfanı 2010nçe yılğa qädär tämamlaunı qıyınlaştıra ala.Meron süzlärençä(audio)
Bez az belän kübräkne başqarırğa tırışsaq ta älegä keşe başına turı kilgän eşne genä arttırabız .Aqçasızılq bezneñ täsirle räweştä eşläbezne häm mäqsatqa ireşep eşne tämamlaubıznı totqarlıy
Meron İminlek Şurasınıñ 5daimi äğzasın aqçaların waqıtında tülägän dip maqtasa da küp kenä başqa äğza illär burıçlılar isemlegendä.Burıçnıñ miqdarı 70million dollar çaması.Ğomumi Mäcles 2004-2005nçe yılllar öçen tribunalğa 300million dollar çaması aqça ayırdı 1000nän artıq xezmätkär öçen. Burıçnıñ zur öleşe Yaponiägä turı kilä.Ul mäxkämäneñ eşçänlegenä tönqitle mönäsäbät kürsätä.Yaponiäneñ BMOdağı wäkile Toshiro Ozawa Assembleyada BMO qaramağındağı Yugoslawiä häm Rwanda suğış mäxkämäläre öçen äğza illärneñ ayırğan aqçalar çikli dip äytte(audio)
Protsesslar sanı belän çığımnar arasındağı upqın zur.Bez operatsiä häm tribunalnıñ çığımnarı beterü strategiäsenä kileşle kimetelergä tieş dip qaribız dip äytte Yaponiäneñ BModağı wäkile.
Ämma Bosnia ilçese Mirza Kusljugic Assembleyada Haagada urnaşqan tribunalnıñ eşçänlege ilneñ etnik törkemnäreneñ tatulaşuında möhim rol uynadı dip söyläde.Kusljugic(audio)
Qızğanç ki ,xörmätle başxakim Meron äytkäneçä mäxkämägä finans yardäme kimep kilä. Min ilem isemennän töp yardäm itüçelärgä tribunalnı kiräk bulğan qädär waqıt yaqlağız dip äytergä telim.
11yıl elek oyışqan mäxkämä tübänräk däräcädäge mäsälälärne kiläse yılda eleke Yugoslaviä däwlätlätlärenä tapşırmaqçı. Xakim Meron Bosniada mäxsus mäxkämä qayber proseslarğa qarıy başlar öçen äzerleklären tämamlap kilä , Xorvatiä dä progress yasıy ämma Serbiä belän Çernogoriä suğış cinayätlärendä ğäyeplänüçelärne tabu , dokumentlarnı tapşıru eşendä xezmättäşlek itmi dip söyläde. İminlek Şurasınıñ raslağan strategiägä kürä Yugoslaviä suğış cinayätläre mäxkämäse tikşerülärne bıyıl ,proseslarnı , 2008 häm apilatsilär 2010nçe yılda tämamlanırğa tieş.
färidä xämit
BMOnıñ Yugoslaviä Suğış Cinayätläre Mäxkämäseneñ eşe aqçasızlıq säbäple qurqınıç astında
BMOnıñ eleke Yugoslaviä öçen Suğış Cinayätläre Mäxkämäse başxakime Theodore Meron Dönya Oyışmasınıñ Ğomumi Mäclesendä yasağan çığışında finans problemaları säbäple 100 xezmätkärebezne-yäğni eşköçebezneñ 10%ın yuğalttıq dip belderde.Meron ayruça 20dän artıq suğış cinayätçese yäşi dip täxmin itelgän Serb Respublikasınıñ xezmättäşlek itmäwe tribunalnıñ eşlären totqarlıy digän.