Accessibility links

Кайнар хәбәр

Britaniä häm İran tışqı eşlär ministrları Tährannıñ atom programması turında söyläşte


Britaniä tışqı eşlär ministrı Jack Straw belän İran tışqı eşlär ministrı Kamal Xarrazi bügen Şärm äş-Şäixtä oçraşıp Tährannıñ atom eşçänlegen tuqtatu mäs'äläse turında söyläşte. Oçraşu Ğiraqqa bağışlanğan konferensiä çitendä ütte. Straw anı bik yaxşı dip bäyäläde.

AUDİO: Bez barıbız da bu mäs'äläneñ bu söyläşülärdä Xalıqara Atom Energiäse İdaräse qısalarında çişelüen telibez.

Kiçä İran uran bayıtu eşçänlegen tuqtatuı turında belderde. Tähran bu qararnı Britaniä, Fransiä häm Germaniä belän söyläşülär näticäsendä qabul itte. Xarrazi İran atom qoralı yasarğa tırışa digän borçılularnı kire qaqtı. İrannıñ atom programması mäs'äläse pänceşämbe könne Xalıqara Atom Energiäse İdaräsendä qaralaçaq.
XS
SM
MD
LG