Üzen ciñüçe itep isäplägän oppozitsiä citäkçese Viktor Yuçenko şuşı ciñüen xoquqi töstä inde sişämbedä ük nığıtırğa tırışıp qaradı - ul parlamentta, tawış birüne tupas bozular belän oyıştıruğa yul quyğan Üzäk saylaw komissiäsenä ışanmaw qararın qabul itärgä tırıştı. Läkin monıñ öçen deputatlar tieşle sanda cıyıla almadı häm Yuçenkonıñ şuşı omtılışı bernindi näticägä dä kitermäde. Qayber xoquqçılar, ayırım alğanda, Kievtäge Säyäsi tikşerenülär üzäge citäkçese urınbasarı Serhiy Segeda fikerençä, parlamentta Üzäk saylaw komissiäsenä ışanmaw belderü, Yuçenkonıñ prezident bulu omtılışına qanuni tös birmäsä dä, oppozitsiä öçen zur ruxi etärgeç bulıp, alarnıñ ildäge iñ yuğarı qanunçığaru oyışması tarafınnan da yaqlanuın añlata alır ide.
Audio, Serhiy Segeda
Serhiy Segeda, Üzäk saylaw komissiäsenä ışanmaw mäs''äläsendä parlament Yuçenkonı yaqlağan bulsa, bu Ukraina ölkälärendäge cirle xakimiat häm üzidarägä dä tieşle tä''sir yasıy alır ide dip isäpli. Läkin oppozitsiäneñ şuşı omtılışı, inde äytelgänçä, uñışsız bulıp çıqtı häm Yuçenko yağı xäzer başqa xoquqi mömkinleklärne tikşerä. Şularnıñ bersen çärşämbedä Mikola Şelest, Ukrainanıñ Yuğarı yustitsiä şurası räise täqdim itte. Anıñ fikerençä, xäzer kilep tuğan kierenke säyäsi wäzğiatne barı tik Yuğarı mäxkämä genä xäl itä ala. Yuçenko tarafdarları şuşı kiñäşkä qolaq salıp inde çärşämbedä ük Yuğarı mäxkämägä Yuçenkonıñ Üzäk saylaw komissiäsenä şikayäten yulladı, ämma bu şunda uq kire qağıldı, çönki ul, mäxkämä süzlärenä qarağanda, forması belän dä, eçtälege belän dä ilneñ saylawlar turındağı qanunına turı kilmi ikän. Xäzer inde oppozitsiä öçen berdänber diärlek qanuni yul qala - ul mäxkämägä ayırım saylaw urınnardağı näticälärne birä başlıy ala. Yänä Serhiy Segeda.
Audio, Serhiy Segeda
Segeda fikerençä, monı eşläw şaqtıy qatlawlı bulaçaq, çönki mäxkämägä dokumentlaştırılğan dälillär birelergä tieş. Ä Viktor Yanukoviç ciñgän häm tawış birü tupas bozular belän ütkän könçığış Ukrainada oppozitsiä küzätüçelären saylaw urınnarına kertmägännär genä, şuña kürä bozular turında dälil tuplaw öçen dä mömkinleklär bik bulmağan. Oppozitsiä mäxkämälärdä uñışqa ireşkän oçraqta da, mäxkämä qararlarınıñ ğämälgä kerüe öçen berniçä kön kiräk bulaçaq, çönki qanunda äle, qararlarnı yuğarıraq mäxkämädä üzgärtü mömkinlege dä qaralğan. Xäzerge xakimiat oppozitsiäneñ şuşı omtılışlarına, ciñüçe dip mömkin qädär tizräk Yanukoviçne iğlan itep, häm anıñ inauguratsiäsen dä citez genä ütkärep cawap birä ala.
Kärim Kamal
Audio, Serhiy Segeda
Serhiy Segeda, Üzäk saylaw komissiäsenä ışanmaw mäs''äläsendä parlament Yuçenkonı yaqlağan bulsa, bu Ukraina ölkälärendäge cirle xakimiat häm üzidarägä dä tieşle tä''sir yasıy alır ide dip isäpli. Läkin oppozitsiäneñ şuşı omtılışı, inde äytelgänçä, uñışsız bulıp çıqtı häm Yuçenko yağı xäzer başqa xoquqi mömkinleklärne tikşerä. Şularnıñ bersen çärşämbedä Mikola Şelest, Ukrainanıñ Yuğarı yustitsiä şurası räise täqdim itte. Anıñ fikerençä, xäzer kilep tuğan kierenke säyäsi wäzğiatne barı tik Yuğarı mäxkämä genä xäl itä ala. Yuçenko tarafdarları şuşı kiñäşkä qolaq salıp inde çärşämbedä ük Yuğarı mäxkämägä Yuçenkonıñ Üzäk saylaw komissiäsenä şikayäten yulladı, ämma bu şunda uq kire qağıldı, çönki ul, mäxkämä süzlärenä qarağanda, forması belän dä, eçtälege belän dä ilneñ saylawlar turındağı qanunına turı kilmi ikän. Xäzer inde oppozitsiä öçen berdänber diärlek qanuni yul qala - ul mäxkämägä ayırım saylaw urınnardağı näticälärne birä başlıy ala. Yänä Serhiy Segeda.
Audio, Serhiy Segeda
Segeda fikerençä, monı eşläw şaqtıy qatlawlı bulaçaq, çönki mäxkämägä dokumentlaştırılğan dälillär birelergä tieş. Ä Viktor Yanukoviç ciñgän häm tawış birü tupas bozular belän ütkän könçığış Ukrainada oppozitsiä küzätüçelären saylaw urınnarına kertmägännär genä, şuña kürä bozular turında dälil tuplaw öçen dä mömkinleklär bik bulmağan. Oppozitsiä mäxkämälärdä uñışqa ireşkän oçraqta da, mäxkämä qararlarınıñ ğämälgä kerüe öçen berniçä kön kiräk bulaçaq, çönki qanunda äle, qararlarnı yuğarıraq mäxkämädä üzgärtü mömkinlege dä qaralğan. Xäzerge xakimiat oppozitsiäneñ şuşı omtılışlarına, ciñüçe dip mömkin qädär tizräk Yanukoviçne iğlan itep, häm anıñ inauguratsiäsen dä citez genä ütkärep cawap birä ala.
Kärim Kamal