Rumıniädä yäkşämbe ütkän prezident häm parlament saylawlarınıñ berençel näticälärenä qarağanda az ğına ayırma belän elekke kommunistlar, yağni xakimiättäge sosial-demokratlar alda bara. Tawışlarnıñ 50%tı sanalğan xäldä – sosial-demokratlar parlamentqa 35% tawış qazanğan. İkençe urında 32gä yaqın % belän Liberal häm Demokratik partiälär berlege. Berençe tur prezident saylawlarında 39% belän premyer-ministr Adrian Nastase berençe, Buxarest merı Traian Basescu 25% tawış cıyıp ikençe urında. 18 million saylawçınıñ tawış birüdä 57%tı qatnaşqan. Oppozisiä, saylawlar waqıtındağı xärämläşülär, tärtip bozular turında belderä. Tawış birüne küzätkän Yevropada İminlek häm Xezmättäşlek Oyışması "saylawlarnıñ yaxşı oyışqan töstä ütkänen", ämma qayber tärtip bozular buluın bilgeläde. Pro Demokratiä isemle watandaşlar törkeme xärämläşülärgä protest yözennän 12 dekaberdä ütäçäk ikençe tur saylawlardan üzeneñ 3300 küzätüçesen aluın belderde. Alar süzlärenä qarağanda avtobuslarda saylawçılarnı Rumıniä buylap yörtep törle cirlärdä tawış birergä mäcbür itkännär. APD mäğlümatlärenä qarağanda, xärämläşülärgä 2-5% çaması turı kilä.
