Accessibility links

Кайнар хәбәр

Ukraina Üzäk Saylaw Komisiäse: yaña tur saylawlar 26nçe dikäberdä


Ukraina Üzäk Saylaw Komissiäse yaña 2nçe tur saylawlar 26nçe dikäberdä ütäçäk dip belderde. Comğa kiç Yuğarı mäxkämä ütkän aydağı saylawlarda xärämläşelde dip näticälärne köçtän çığarğannan soñ saylaw komisiäse üz qararın belderde . Bu älbättä 2 atna çaması massa küläm uram cıyınnarı ütkärgän opozitsiä namzäte Viktor Yuşçenko häm tarafdarları öçen ciñü bulıp tora

V.Yuşçenko 21nçe noyäberda ütkärelgän 2 tur saylawlarda köndäşe premyer V.Yanukoviçnıñ ciñep çığuı öçen bik nıq xärämläşelde dip däğwä itep kilde.Comğada yuğarı mäxkämä tikşerüen tämamlap näticälärne köçtän çığardı. Yaña tawış birüne oyıştıru öçen äzerleklär başlandı. Parlament ta saylawlarğa xoquqi qısalar bilgeläw öçen cıyıldı.Yuşçenko tarafdarları saylawlarda xärämläşülärgä yul quymas öçen saylaw qanunı häm 15 keşelek üzäk saylaw komisiäse äğzaları üzgärtelergä tieş digän qaraşta. Parlament atna başında birelgän ışanıçsızlıq tawışınnan soñ, urınınnan kitäse prezident Leonid Kuçmadan Yunukoviçnı çitlätüne häm yaña kabinet bilgeläwne taläp itäçäk dip kötelä.Yzäk saylaw komisiäse bilgelägän saylawlar könen parlament häm L.Kuçma raslarlar dip kötelä. Äytep kitkän eşlär ğämälgä aşqançı Yuşçenko tarafdarlarınıñ demonstratsiälärgä däwam itüen teli.Yuşçenko (audio) Bez Üzäk Saylaw Komisiäseneñ taratıluın taläp itäbez. Alar birgän antların bozdı, millionnarça ukrainlını aldadı. Alar kitergä tieş. Yuğarı Mäxkämä qararı V.Yanukoviç öçen ciñelü bulıp tora ämma anıñ süzçese Anna Herman (audio) Ukraina premyere V.Yanukoviç bügen konstitutsiäne bozğan nıq säyäsi basım astında qabul itelgän , Yuğarı Mäxkämäneñ qararına xörmät itäçägen belderde .Ul saylawlarğa qatnaşıp ciñüdän başqa yul yuq dip ışana . Yanukoviç berniçä kön cämäğätçelekkä kürenmäde, xästä dip uylana. Şulay da ul bügen yäki yäkşämbedä Kuçma, Yuşçenko Polşa häm Litva prezidentları belän bulaçaq oçraşuğa qatnaşır dip kötelä. Sonğı xabärlärgä qarağanda Ukraina parlamentı saylaw qanunı häm prezident xakimiäten kimetkän konstitutsiä üzgäreşläre turında kileşä almıy taraldı. färidä xämit
XS
SM
MD
LG