Ğiraqnıñ waqıtlı prezidentı Ğazi Äl-Yawar, ğinwarnıñ 30ına bilgelängän saylawlarnı kiçekterü ixtimalın kire qaqtı. Andıy kiçekterü qarağruh köçlärneñ ciñüen añlataçaq, dide ul. Bügen Äl-Yawar Waşingtonda Quşma Ştatlar prezidentı George Bush belän oçraşa. Ul arada Bagdad uramnarında Amerikan xärbiläre belän ğisyançılar arasında atışular däwam itä. Amerikan xärbiläre äyütençä, uzğan comğada 2, yäkşämbedä tağın 3 xärbi hälaq bulğan. Ğiraqnıñ törle urınnarında comğadan birle barğan bäreleşlärdä 100gä yaqın keşe hälaq bulğan. Şuşı iminsez wağziättä, Berläşkän Millätlärneñ Ğiraqtağı wäkile Laxdar Braximi häm Ğiraqnıñ sönni citäkçeläre saylawlarnı kiçekterergä çaqıra. Ämmä Amerikan häm Ğiraq räsmiläre saylawlar waqıtında ütergä tieş dip täqrarlıy.
