Rusiä prezidentı Vladimir Putin räsmi säfär belän Törkiägä kilde. Säfärneñ kön tärtibendä säwdä häm iminlek mäsäläsendä xezmättäşlek dielä. Bügen Ankarada ul Törkiä prezidentı Äxmät Näcdät Säzär belän oçraştı. Säzär, Rusiä belän Törkiä terrorçılıq, qoral häm narkotik äyläneşenä qarşı köräştä xezmättäşlek itergä tieş dide. Putin şulay uq Törkiä premier-ministrı Räcäp Tayyip Erdoğan belän oçraştı häm ike ilneñ eşquarları aldında çığış yasadı. Putinnıñ säfäre barışında iqtisad, energetik häm saqlanu ölkäsendä berniçä kileşü imzalanır dip kötelä.
Matbuğat oçraşuında Putin Ukrainadağı wazğiätkä tuqtalıp, çit illärne Ukrainadağı xällärgä tıqşınmaqa çaqırdı. Putin Könbatışnı elekke sovet illärenä köçläp demokratiä tağuda ğäyepläde.
