Accessibility links

Кайнар хәбәр

Taşlama urınına aqça alu öçen ölkännär byurokratik kirtälär aşa uza


Sişämbe gäzitläre, «Putin «Tatneft»ne yaqlap çıqtı», «Tatarstannıñ «Tupraş»nı satıp alırğa soñğı mömkinlege bar », digän baş isemnär belän basılıp çıqtı. Belgänegezçä, «Tatneft» şirkäte Törkiäneñ neft eşkärtü qorılmasın, yäğni «Tupraş» şirkäten satıp alırğa telägän ide, ämma kilep çıqmadı. Eş mäxkämäğä barıp citte, «Tupraş» Tatarstannıqı bulmadı. İnde xäzer, Rusiä citäkçese kilep, Törkiä xakimiätlärennän elek tözegän kileşülärne ütärgä çaqırdı. Diplomatik teldän, iqtisatqa küçergändä, monı «Tatneft» häm «Tupraş» arasında xezmättäşlek kilep çığarğa mömkin, digänen añlata, dip yazdı gäzitlär. Bu xaqta, Rusiä xökümätendä premyer urınbasarı wazifasın başqaruçı, Viktor Xristenko beldergän bulğan. Rusiä Prezidentı delegatsiäse qısalarında Anqarağa barğan Tatarstanlılar, Qazanğa qaytıp citte inde. Şulay uq, zur Rusiä delegatsiäse belän Hindstanğa barıp qaytqan Tatarstan wäkilläre 7 dekaberdä, xökümättä ütkän matbuğat oçraşuında eşlekle säfär turında tulı mäğlümat birdelär. Ber yaqtan, Hindstan belän yuğarı texnologiälärne üsterü turında söyläşkän bulsalar, ikençe yaqtan, hind çäyen Tatarstanda saylap alıp, arzan bäyädän satu turında söyläşep qaytqannar.

2005 yıldan, taşlamalar urınına aqça alırğa telägän pensionerlar, inde xäzer uq, bank bülekçäläreneñ busağaların taptıy başlağan. Aqça küçerü öçen barlıq pensionerlarğa bankta isäp xisabın açırğa taläp itelä. Alğan iğlan itelsä dä, barlıq banklar da bu xezmätne başqarırğa äzer tügel. «Azatlıq» radiosı xäbärçese «Aq Bars» bankı bülekçälärendä xisap açırğa kilgän pensionerlarnıñ kilep, kire borılıp qaytıp kitüen kürde. «Aq bars» xisap açudan baş tartmıy, ämma qartlarğa berär atnadan soñ kilergä quşa. Bankta xisap buldıruğa qädär pensionerlarğa, küp käğäz eşen başqarırğa kiräk, dokumentlar cıyıp, alarnıñ küçermäsen alıp, pensiä fondı bülekçälärenä barıp iltäse bar. «İntertat» agentlığı xäbär itkänçä, 7 dekaberdä xökümättä ütkän utırışta, taşlama aqçaların inde dekaberdä ük tüli başlaw turında kürsätmä birelgän. Waqıt kürsäter.

Bikä Timerova.

XS
SM
MD
LG