NATO belän Rusiä Ukrainada irekle häm ğädel saylawlar ütkärergä çaqıra

NATO häm Rusiä räsmiläre bügen Brusseldä ütkän oçraşudan soñ, Ukrainada irekle häm ğädel saylawlar ütkärergä çaqırğan urtaq belderü qabul itte. NATO-Rusiä şurası utırışın Alyans citäkçese Jaap de Hoop Scheffer belän Rusiä tışqı eşlär ministrı Sergei Lavrov alıp bardı. Älege belderü - bar taraflarnı da köç qullanudan, köç qullanuğa qotırtudan, saylawçılarnı qurqıtudan totılıp qalırğa, Ukrain xalqınıñ çın telägen çağıldırğan irekle häm ğädel saylawlar ütkärergä çaqıra. İke kön elek kenä Yevropada İminlek häm Xezmättäşlek oyışması oçraşuında, Rusiä belän Könbatış arasındağı qarşıılqlar säbäple, bu mäsälädä urtaq belderü qabul itelmägän ide.

NATO-Rusiä şurası utırışına qädär Alyansqa kergän illärneñ tışqı eşlär ministrları Äfğanstan belän Ğiraqtağı wazğiätne tikşerde.