Kiläse ayda wazifasınnan kitçäk Quşma Ştatlar däwlät sekretare Colin Powell Yevropa Berlege citäkçeläre belän soñğı söyläşülär öçen bügen Haagağa kilde. Berlektä räiselek itkän Hollandiä Tışqı eşlär ministrı Ben Bot belän söyläşülärneñ kön tärtibendä: İran, Ğiraq häm Yaqın Könçığıştağı wazğiät. Kiçä Powell Brusseldä NATO illäre Tışqı eşlär ministrları belän oçraşuda qatnaştı. Älege oçraşuda NATO citäkçese Jaap de Hoop Scheffer Alyansnıñ Ğiraqtağı xärbi künegülär törkeme 60tan 300 keşegä arttırılaçaq dide. Ul şulay uq berniçä ilneñ Ğiraqqa kübräk ğäskäri cibärü niäten citkerde. Powell isä Germaniä, Fransiä, Belgiä, Gretsiä häm İspaniäneñ koalitsiä köçlärendä qatnaşırğa telämäwlärenä ükeneç belderde.
