Accessibility links

Кайнар хәбәр

Arafat turında tabiblar xisabı Fälestin xakimiätlärenä tapşırıldı


Elekke Fälestin citäkçese Yassir Arafatnıñ tuğanınıñ ulı Nasir äl-qidwa bügen Arafat turındağı tabiblar xisabın Fälestin Xakimiätlärenä tapşırdı. Ämma anıñ süzlärençä, bu dokumentta arafatnıñ üleme säbäpläre açıq qına äytelmi. Fransuz tabibları Fälestin citäkçeseneñ ni säbäple ülgänlegen açıqlamağan dide ul. Äl-Qidwa BMOdağı fälestin wäkile dä. Ul 558 bitlek dokumentnı häm rentgent sürätlären waqıtlı fälestin prezidentı Rauhi Fatuxqa tapşırdı. Arafat 11-nçe noyäberdä Parij yanındağı xastaxanädä wafat bulğannan birle Arafatnıñ sälamätlege turındağı dokumentlar fälestin xakimiätlärenä tapşırılmağan ide. Anıñ ni säbäple ülgänlege äle dä iğlan itelmäde. Ämma Fälestin räsmiläre törle imeş-mimeşlärne häm spekulyatsiälärne beterü öçen anıñ üleme säbäben cämäğätçelekkä açarğa wäğdä birde.
XS
SM
MD
LG