Yevropa Berlege häm İran räsmiläre İrannıñ atom programması turında söyläşülär başlıy. İran wäkile Xäsän Rawhani Yevropa Berlegeneñ tışqı säyäsät öçen cawaplı wäkile Havier Solana, Britania, Fransiä häm Germaniä tışqı eşlär ministrları belän oçraşuda ike aradağı kileşüne ğämälgä quyu yulların tikşerer dip kötelä. Bu kileşügä kürä İran uran bayıtu eşlären tuqtatırğa, Yevropa Berlege İranğa iqtisad, şul isäptän atom ölkäsendä yärdäm itergä tieş. Oçraşu başlanır aldınnan Britania tışqı eşlär ministrı Jack Straw, İran kileşüneñ "ruxın da, xärefen dä" ixtiram itergä tieş dide. Rawhani isä, täräqqiät bulmasa, söyläşülärne tuqtatu belän kisätte.
