Qazan milli mädäni üzäge dönya xalıqları cıyınına oxşadı. Töp çığışlar inglizçä häm urısça yañğırasa, başlanır aldınnan törkemläp torğan keşelärneñ ispança, fransuzça, almança, törekçä, rumınça häm başqa tellärdäge söyläşüläre işetelde. Konferensiä barğan zalda, östäl qırıyında 49 il iseme tezelep kitkän ide.
Östäl artında Yevropa häm Tönyaq Amerika illäreneñ wäkilläre utırdı. Älege seminarnı oyıştıruğa Qazan şähär idäräse, Tatarstan xökümäte dä küp köç quydı. Seminarda qarala torğan mäs’älä, material bulmağan mädäni mirasnı saqlaw Konvensiäse Tatarstan öçen bik möhim. Çönki ul käğäz Saban tuynı UNESCO tarafınnan saqlana torğan dönya mirası isemlegenä kertergä mömkinlek birä. İnde xäbär itkänebezçä, älege Konvensiä Rusiä tarafınnan raslanmağan. Şuşı seminar ruxi mirasnı saqlaw Konvensiäseneñ ähämiäten añlatu öçen dä oyıştırılğan. UNESCO tarafınnan izge niyät ilçese itep bilgelängän Azerbaycan Prezidentınıñ tormış iptäşe Mehriban Alieva da älege eşlekle dokumentnı qabul itü kiräklegen qüätlärgä kilgän. Ul, Tatarstan Prezidentı belän oçraşqanda, tatar Saban tuyı dönya mirası bulırğa layıq, ul tatar xalqınıñ milli yözen bilgeläwçe bäyräm, dip belderde. Seminarnıñ açılışında da, ul çığış yasadı. Şulay uq, anda Tatarstan Prezidentnıñ sälämläw xatı uqıldı, TURKSOY oyışması başlığı, Azerbaycan mädäniät ministrı Polad Bülbül oğlı da çığış yasadı, xezmättäşlek turında täqdimnär kertte. UNESCO oyışmasınıñ Mäskäw bülege citäkçese Filippe Keo da, cıyılışta qatnaşqan cämäğätçelek wäkillären sälämläde. Sessiäneñ berençe könendä material bulmağan mirasnı bilgeläw, material häm ruxi miras arasındağı bäyläneşlär turında söyläşülär uzdı. Tatar xalqınıñ mädäni mirasın yaxşıraq küz aldına kiterer öçen çit il qunaqlarına milli suvenirlarnı satu oyıştırılğan ide. Altın ceplär belän çigelgän qalfaqlar, säylännär belän bizälgän mendärlär, yançıqlar, çiteklär, çüäklär häm Qazan sölgese qunaqlarnıñ iğtibarın cälep itte. UNESCO seminarı tağı 2 kön däwam itäçäk.
Bikä Timerova
Östäl artında Yevropa häm Tönyaq Amerika illäreneñ wäkilläre utırdı. Älege seminarnı oyıştıruğa Qazan şähär idäräse, Tatarstan xökümäte dä küp köç quydı. Seminarda qarala torğan mäs’älä, material bulmağan mädäni mirasnı saqlaw Konvensiäse Tatarstan öçen bik möhim. Çönki ul käğäz Saban tuynı UNESCO tarafınnan saqlana torğan dönya mirası isemlegenä kertergä mömkinlek birä. İnde xäbär itkänebezçä, älege Konvensiä Rusiä tarafınnan raslanmağan. Şuşı seminar ruxi mirasnı saqlaw Konvensiäseneñ ähämiäten añlatu öçen dä oyıştırılğan. UNESCO tarafınnan izge niyät ilçese itep bilgelängän Azerbaycan Prezidentınıñ tormış iptäşe Mehriban Alieva da älege eşlekle dokumentnı qabul itü kiräklegen qüätlärgä kilgän. Ul, Tatarstan Prezidentı belän oçraşqanda, tatar Saban tuyı dönya mirası bulırğa layıq, ul tatar xalqınıñ milli yözen bilgeläwçe bäyräm, dip belderde. Seminarnıñ açılışında da, ul çığış yasadı. Şulay uq, anda Tatarstan Prezidentnıñ sälämläw xatı uqıldı, TURKSOY oyışması başlığı, Azerbaycan mädäniät ministrı Polad Bülbül oğlı da çığış yasadı, xezmättäşlek turında täqdimnär kertte. UNESCO oyışmasınıñ Mäskäw bülege citäkçese Filippe Keo da, cıyılışta qatnaşqan cämäğätçelek wäkillären sälämläde. Sessiäneñ berençe könendä material bulmağan mirasnı bilgeläw, material häm ruxi miras arasındağı bäyläneşlär turında söyläşülär uzdı. Tatar xalqınıñ mädäni mirasın yaxşıraq küz aldına kiterer öçen çit il qunaqlarına milli suvenirlarnı satu oyıştırılğan ide. Altın ceplär belän çigelgän qalfaqlar, säylännär belän bizälgän mendärlär, yançıqlar, çiteklär, çüäklär häm Qazan sölgese qunaqlarnıñ iğtibarın cälep itte. UNESCO seminarı tağı 2 kön däwam itäçäk.
Bikä Timerova
