Rusiäneñ Yukos neft kompaniäse Quşma Ştatlarnıñ bankrotlıq turındağı qanunı nigezendä Amerikan mäxkämäsenä möräcäğät itte. Yukosnıñ xäzerge citäkçese Steven Theede süzlärençä, bu alarnıñ soñğı ömete bulıp tora: berençedän, Quşma Ştatlarnıñ bankrotlıq turındağı qanunı dönyaküläm wäkälätkä iä. İkençedän, möräcäğät Texas ştatınıñ Houston mäxkämäsenä birelgän. Yukosnıñ bu ştatta zur investitsiäläre bar, dide ul. Houston mäxkämäse bu eşne alırmı, Rusiä xökümäte anıñ qararın tanırmı, älegä bilgesez. Yukosnıñ 27 milliard dollar burıçın qaytaru niäte belän Rusiä räsmiläre bu yäkşämbedä "Yuganskneftegaz" şirkäten satu auksionı ütkärergä cıyına. Yukos şuşı auksionnı tuqtatırğa çaqıra. Kompaniä belderüendä äytelgänçä, "Yuganskneftegaz" Yukosnıñ 60% tabışın kiterä, ul satılğan xäldä kompaniägä zur zıyan kiläçäk.
