Bügen Ğiraq başqalasında ğisyançılar berniçä urında höcüm yasap 5 keşene ütergän. Elemtä ministrlığı yanında ministr urınbasarı Qasim Mähäwi üterelgän. Şähärneñ könbatışında Ğiraq xärbiläre maşinası barğan yulda bomba şartlağan, näticädä 3 xärbi hälaq bulğan, 6sı yaralanğan. Şul uq bistädä bulğan tağın ber şartlawdan soñ, ğisyançılar ut açıp ber çit il keşesen ütergän, ikesen yaralağan. Ğiraqnıñ waqıtlı premier-ministrı Ayad Allawi kiläse ayda ütäçäk saylawlar aldınnan köç qullanu artaçaq, dip kisätkän ide. Saylaw aldı kampaniäse Ğiraqta kiçä başlandı.
