Şuşı kisätüen amerikan prezidentı çärşämbedä yasadı, ayırım alğanda ul, "bez Süriägä dä, İranğa da açıq itep şunı äytergä telibez - Ğiraqnıñ eçke eşlärenä tıqşınu alar mänfäğätendä tügel" dip belderde. Aña qädär Tährannı häm Damasknı ğäyepläw Ğiraqnıñ waqıtlı xökümäte äğzalarınnan ğına işetelä ide. Misal öçen, şul uq çärşämbedä saqlanu ministrı Xäzem äs-Şalaan Bagdadta yänä, İran Ğiraq eçendäge ğısyançı törkemnärgä bulışuın däwam itä dip belderde.
Audio, Xäzem äs-Şalaan
"Bez terror artında İran toruın açıqladıq. Bu il, inde elegräk äytüemçä, Ğiraqnıñ berençe doşmanı bulıp tora" di Ğiraq waqıtlı xökümätendä saqlanu ministrı bulıp eşlägän äs-Şalaan. Ul İran häm Süriäne ayıruça, elekke diktator Saddam Xösäyen tarafdarlarına häm mäğlüm islam radikalı Äbu Musa äl-Zärqäwigä yardäm itüdä ğäyepli.
Audio, Xäzem äs-Şalaan
"İran Ğiraqta kiñ terror çeltäre belän idarä itä. İrannıñ, Süriäneñ, häm elekke Ğiraqnıñ küzläw xezmätläre äl-Zärqäwi törkeme belän xezmättäşlek itä" di Bagdadtağı yaña xökümätneñ saqlanu ministrı. Amerikan häm Ğiraq räsmiläreneñ bergäläşep İran belän Süriäne açıqtan-açıq eçke eşlärgä tıqşınuda ğäyepläwe aldan kileşep eşlängängä oxşap tora. Ämma şul belderülärdä açıq dälillär kiterelmi. Londondağı tikşerenü üzäklärneñ berse - Royal United Servicestä eşläwçe Turi Munthe, Süriä häm İrannan Ğiraqqa keşelär häm aqça ütep kerüen raslağan dälillär bar, läkin Süriä oçrağında moña andağı xakimiatneñ qatnaşı yuq kebek kürenä dip belderä.
Audio, Turi Munthe
"Süriädän ütep kerü bötenläy däwlät tarafınnan oyıştırılğan, yäisä däwlät tarafınnan yaqlanğan tügel. Bu ilneñ Ğiraq belän çige şaqtıy ozın, häm anı saqlıysı bik çiten. Küp kenä keşe anıñ aşa ütep yöri kebek, şaqtıy ğına süriäle Ğiraqtağı çit il ğäskärlärenä qarşı köräşergä dip kilä häm sönni ğäräp ğısyançıları alarnı bik cılı qarşı ala" dip urtaqlaşa üz farazları belän Londondağı belgeç. Ä menä İranğa kilgändä, anda xökümätneñ äwzemlege sizelä di Turi Munthe.
Audio, Turi Munthe
"Bu oçraqta İran xökümäteneñ Ğiraqtağı eşlärgä şaqtıy tıqşınuın kürsätkän işarälär bar, bu xaqta xäbärlär Washingtonnan ğına tügel, Ğiraq prezidentınnan da, Ürdün patşası Abdulladan da, başqa keşelärdän dä kilä" di Turi Munthe, Londondağı Royal United Services üzäge xezmätkäre.
Kärim Kamal
Audio, Xäzem äs-Şalaan
"Bez terror artında İran toruın açıqladıq. Bu il, inde elegräk äytüemçä, Ğiraqnıñ berençe doşmanı bulıp tora" di Ğiraq waqıtlı xökümätendä saqlanu ministrı bulıp eşlägän äs-Şalaan. Ul İran häm Süriäne ayıruça, elekke diktator Saddam Xösäyen tarafdarlarına häm mäğlüm islam radikalı Äbu Musa äl-Zärqäwigä yardäm itüdä ğäyepli.
Audio, Xäzem äs-Şalaan
"İran Ğiraqta kiñ terror çeltäre belän idarä itä. İrannıñ, Süriäneñ, häm elekke Ğiraqnıñ küzläw xezmätläre äl-Zärqäwi törkeme belän xezmättäşlek itä" di Bagdadtağı yaña xökümätneñ saqlanu ministrı. Amerikan häm Ğiraq räsmiläreneñ bergäläşep İran belän Süriäne açıqtan-açıq eçke eşlärgä tıqşınuda ğäyepläwe aldan kileşep eşlängängä oxşap tora. Ämma şul belderülärdä açıq dälillär kiterelmi. Londondağı tikşerenü üzäklärneñ berse - Royal United Servicestä eşläwçe Turi Munthe, Süriä häm İrannan Ğiraqqa keşelär häm aqça ütep kerüen raslağan dälillär bar, läkin Süriä oçrağında moña andağı xakimiatneñ qatnaşı yuq kebek kürenä dip belderä.
Audio, Turi Munthe
"Süriädän ütep kerü bötenläy däwlät tarafınnan oyıştırılğan, yäisä däwlät tarafınnan yaqlanğan tügel. Bu ilneñ Ğiraq belän çige şaqtıy ozın, häm anı saqlıysı bik çiten. Küp kenä keşe anıñ aşa ütep yöri kebek, şaqtıy ğına süriäle Ğiraqtağı çit il ğäskärlärenä qarşı köräşergä dip kilä häm sönni ğäräp ğısyançıları alarnı bik cılı qarşı ala" dip urtaqlaşa üz farazları belän Londondağı belgeç. Ä menä İranğa kilgändä, anda xökümätneñ äwzemlege sizelä di Turi Munthe.
Audio, Turi Munthe
"Bu oçraqta İran xökümäteneñ Ğiraqtağı eşlärgä şaqtıy tıqşınuın kürsätkän işarälär bar, bu xaqta xäbärlär Washingtonnan ğına tügel, Ğiraq prezidentınnan da, Ürdün patşası Abdulladan da, başqa keşelärdän dä kilä" di Turi Munthe, Londondağı Royal United Services üzäge xezmätkäre.
Kärim Kamal