Accessibility links

“äl- Qibla” jurnalınıñ 1-2 sannarına küzätü


“äl-Qibla”dip isemlängän tatarça jurnal tatar - möselmannar ğailä jurnalı, dini häm dönyawi jurnal bıyıl 2004 yıldan ğına çığa başladı. Anıñ äle 1 sanı oktäberdä häm 2 sanı noyäberdä genä dönya kürde. Bu jurnalnı irle- xatınlı Al'bert äfände häm Fäniä xanım Sabir çığaralar. Jurnalnıñ oyıştıruçısı häm näşer itüçese Al'bert Sabir, bezgä mäğlüm bulğança ul “Şähri Qazan” gäzitendä baş möxärrir urınbasarı bulıp eşlägän keşe. “Mädäni comğa” gäzitendä cawaplı särkätip bulğan.Xäzer ul bu jurnalnı çığara başlaw nisbätennän eşennän kitkän. Ä “äl-Qibla” jurnalınıñ baş möxärrire anıñ tormış iptäşe Fäniä xanım, “Söembikä” jurnalında ğailä häm tärbiä bülege möxärrire . Häm şulay uq ul Oya säxifäse bülegeneñ dä möxärrire.Ul äle “Söyembikä” jurnalında da xezmät kürsätä. “äl- Qibla” jurnalı Rossiä Federatsiäseneñ matbuğat, teletapşırular häm massaküläm kommunikatsiä çaraları ministrlığınıñ İdel buyı töbäk- ara territorial' idäräsendä terkälgän. Anıñ tirajı 5000данә. Çabaqsar tipografiäsendä original-maket buyınça basılğan. Jurnalnıñ berençe sanınıñ tışlığı “Härber eşneñ başı “Bismilläh” süzennän başlana” dip açılıp kitä. Häm anda bu süzneñ mäğnäse birelä.Ul inde “Räxmätle häm räximle Allah iseme belän (başlıymın) digän süzne añlatqanı turında mäğlümat birelä. Jurnalnıñ maqsatı närsädä digän sorawğa Tatarstan möselmannarınıñ Diniä näzaräte räise, möfti Ğosman xäzrät İsxaqi jurnal uquçıların sälämläp jurnalğa fatixa birgän. Anda şundıy süzlär bar,(jurnaldan özek):“Yaña tuıp kilä torğan“äl-Qibla ğailä jurnalında ruxi mirasıbız, islam qanunnarı, ğailädä ruxi-äxlaqi tärbiä problemaları, törle millät wäkilläreneñ, möselmannarnıñ yäşäw räweşe, din-ara mönäsäbätlär, ruxi -qimmätlärebezne saqlaw mä’säläläre häryaqlap yaqtırtıla ikän, moña söyenergä genä kiräk”,- di ul. Şulay uq Anda Rossiä Möftilär Şurası räise Möfti Rawil xäzrät Ğäynetdinneñ , Ramazan ayınıñ ähämiäte turında yazması birelä. Säcdä qılu säxifäsendä “Keşeneñ tän sälämätlege häm anıñ psixik xaläten öyränüçe fännär barlığı mäğlüm. Häm barı tik din genä keşeneñ ruxi sälämätlege belän şöğellänä”dip yazılğan . Bu “äl-Qibla” jurnalınıñ Tıybb säxifäsendä urazanıñ sälämätlekkä faydası turında möselman tabibı Qamal äl ZANT äzerlägän yazma belän dä tanışırğa bula. Namazda “Ättäxiät”kä tezlänep utırğan waqıtta keşeneñ eçke orğannarında nindi üzgäreşlär buluı turında häm alar niçek keşeneñ sälämätlegenä tä'sir itüe turında uqıp, säcdä qılunıñ serenä töşenergä dä bula. Ğailädä aralaşırğa törle kiñäşlär, xäläl rizıq belän tuqlanu , möselman modası turında da yazmalar bar bu jurnalda. Xäyer,bu jurnalnı efirğa äzerlägändä baş möxärrire Fäniä xanımnıñ üze belän äñgämäläşkän idek. Häm sez annan bu jurnalnı çığarırğa nindi säbäplär etärgäne turında işetersez:“ Jurnalnıñ 3 sanın äzerlibez. Ul ğinwar aylarında çığar dip uylıybız. Bezneñ internetta säxifäbez bar. Uquçılarıbız belän xat aşa aralaşa alabız. Bezgä bik küp cirlärdän xatlar kilä- Ufadan, Finlyändiädän. Jurnal Tatarstannıñ barlıq töbäklärenä dä tarala. “äl-Qibla jurnalın Ğ.Qamal teatrında konsert häm spektakl'lär barğan waqıtta da satıp alırğa mömkinçelek tudı. Başta jurnalnı 50 sumnan täqdim itsäk, xäzer 35 sumnan satuğa quyarğa mömkinçelek tudı. Bu jurnal xäzer mäçetlärdä dä satıla.”,- dide jurnalnıñ baş möxärrire Fäniä xanım Sabir. Soñğı waqıtlarda Qazan şähäre uramnarında Mäskäwdä çığarıla torğan çirkäw xezmätkärläreneñ “Вестник истины””dip atalğan jurnalın , missionerlar tatarçağa tärcemä itep “Xaqiqät xäbärçese” dip isemlängän jurnallarnı buşqa uqırğa birep toralar”. Alar , älbättä tatarça bulsa da, islam dine turında mäğlümat birmi.Ä İslam dineneñ qanunnarın bik az ğına belgän keşelär, yäşlär, adaşıp kitmäsen öçen alarnı mondıy jurnallarnıñ maqsatın ayıra belergä niçek öyrätergä soñ?- digän sorawğa da Fäniä xanım cawap birde. ”Bez şuşınıñ belän matbuğat küzätüen tämamlıybız. Bu tapşıruda sez Qazanda bıyıl ğına tatarça çığa başlağan ”Äl-Qibla” jurnalınıñ 1-2 sannarına küzätü tıñladığız.

Azatlıq radiosı Mälikä Basıyr Qazan.

XS
SM
MD
LG