Ufa şähärendäge 84 nçe sanlı tatar gimnazísı zur ciñü yawladı. Tübän Novğorod şähärendä ütkän «Matur mäktäplärneñ mäğärif moxiten proektlaw» dip atalğan xalıqara konferensída I däräcä diplom belän büläklände ul. Sigezençe tapqır ütkärelgän şuşı konferensída Rusiäneñ cämğese 25 töbägennän 140 keşe qatnaşqan. Här mäktäp aldan uq täqdim itelgän tuğız temnıñ bersen saylap alıp üzeneñ proektın äzerlägän. Ufadağı 84 nçe sanlı tatar gimnazísı direktorınıñ fänni- metodík eşlär buyınça urınbasarı Zilirä xanım Bulatowa gimnazí isemennän täqdim itelgän «Xalıq pedagogígı tradísíları nigezendä şäxesneñ ruxi – äxlaqí üseşe» digän temnı yaqlağan.
Konferensíğa täqdim itelgän proektlar motlaq urıs häm alman tellärendä yazılırğa tieş bulğan. Alarnıñ aktuallege, yañalığı, uniwersällege, fännilege, näticälelege şart itep quyılğan. Almanídan Eginxard Fuqs, Könyaq Afrík Republígınnan Rälf Fişer kebek «Matur mäktäp» xäräkäten oyıştırğan möğällimnär häm Tübän Novğorod ölkäse Mäğärif ministerlığı wäkilläre, näticädä, 101 proekt arasınnan Ufanıñ 84 nçe tatar gimnazísı eşen iñ yaxşısı dip tapqan. Konferensída ciñgän älege proektnı täqdim itkän Zilirä xanım Bulatowa Ufağa qaytqaç, bez anıñ belän söyläşep aldıq.
(Bulatowa)
Sez Ufadağı 84 nçe sanlı tatar gimnazísı direktorı urınbasarı Zilirä Bulatowanı tıñladığız. Şuşı könnärdä genä gimnazínıñ «Umırzaya» folklor törkeme Ufa mäktäpläre häm gimnazíları arasında oyıştırılğan folklor bäygesendä dä uñışlı çığış yasap, öçençe urınnı yawlağan. Ğomumän, äle ikençe yılın ğına eşläwçe tatar gimnazísı ber – ber artlı zur uñışlar yawlí. Moña, älbättä inde, uqıtuçılar kollektífınıñ yuğarı äzerlekle buluı da, alarnıñ üz eşlären bik yaratıp başqaruı da bulışlıq itä.
84 nçe gimnazí başqalada tatar tele häm ädäbiätı buyınça baza mäktäbe bulıp tora, yäğni başqa uqu yortları öçen täcribä urtaqlaşu urını sanala. Şähär külämendä seminärlar, açıq däreslär, olimpiadalar da biredä oyıştırıla. Uzğan uqu yılında tatar telennän republík olimpiadası da näq menä biredä ütte. Bulaçaq uqıtuçılar, pedagogí universitetı talipları da monda üzläreneñ praktíkların ütä. Qısqası, Ufadağı 84 nçe tatar ginaziäseneñ kiläçäge bik ömetle. Anıñ uñışları yıldan – yıl arta baraçaq dip äytergä tulı nigezlek bar.
Fänis Fätxi, Ufa.
(Bulatowa)
Sez Ufadağı 84 nçe sanlı tatar gimnazísı direktorı urınbasarı Zilirä Bulatowanı tıñladığız. Şuşı könnärdä genä gimnazínıñ «Umırzaya» folklor törkeme Ufa mäktäpläre häm gimnazíları arasında oyıştırılğan folklor bäygesendä dä uñışlı çığış yasap, öçençe urınnı yawlağan. Ğomumän, äle ikençe yılın ğına eşläwçe tatar gimnazísı ber – ber artlı zur uñışlar yawlí. Moña, älbättä inde, uqıtuçılar kollektífınıñ yuğarı äzerlekle buluı da, alarnıñ üz eşlären bik yaratıp başqaruı da bulışlıq itä.
84 nçe gimnazí başqalada tatar tele häm ädäbiätı buyınça baza mäktäbe bulıp tora, yäğni başqa uqu yortları öçen täcribä urtaqlaşu urını sanala. Şähär külämendä seminärlar, açıq däreslär, olimpiadalar da biredä oyıştırıla. Uzğan uqu yılında tatar telennän republík olimpiadası da näq menä biredä ütte. Bulaçaq uqıtuçılar, pedagogí universitetı talipları da monda üzläreneñ praktíkların ütä. Qısqası, Ufadağı 84 nçe tatar ginaziäseneñ kiläçäge bik ömetle. Anıñ uñışları yıldan – yıl arta baraçaq dip äytergä tulı nigezlek bar.
Fänis Fätxi, Ufa.
