Buxarest. Rumıniäneñ äle genä saylanğan prezidentı Traian Basescu ildä yaña xökümät tözü turındağı söyläşülär, ul düşämbedä üz wazifaların ütäwgä kereşü belän başlanaçaq dip belderde. Bu xaqta yaña prezident comğa kiçen Brüsseldän qaytıp töşkäç xäbärçelärgä äytte. Basescunıñ urtalıqtağı Ğädellek wä Xaqiqät berläşmäse dä, anıñ köndäşe sotsial-demokratlarnıñ da parlamentta tieşle küpçelege yuq, alar ikse dä xäzer törle waq partiälärneñ yaqlawın qazanu turında söyläşülär alıp bara. Bügen anda Rumıniä macarların wäkillek itkän ber partiä yaña prezident Basescu yağı belän söyläşülär başlawı xaqında xäbär itte.
