İerusalim. Kiläse ayğa bilgelängän fälästin saylawlarınıñ iminlegen tä'min itü turında İzrail wä fälästin wäkilläre kiläse atnada maxsus söyläşülär ütkäräçäk. Aña qädär İzrail fälästin yağınıñ, İerusalimdä yäşägän fälästinlelärgä dä tawış birüdä qatnaşunı röxsät itü üteneçen qänäğätländeräçägen äytkän ide. Fälästin cirlärendä saylawlar ğinwarnıñ 9-ında uzaçaq, anda märxüm Yäsir Arafat urının alaçaq yaña citäkçe bilgelänäçäk.
