Skopje. Makedoniä politsiäseneñ ike xezmätkären urlawda ğäyeplänep, zamanında alban suğışçılarınıñ citäkçese bulğan Äwdil Yaqupi bügen 10 yıllıq törmä cäzasına xökem itelde. Totıqlar aludan tış ul talawda da ğäyeplänä. Politsiä xezmätkärlären Yaqupi 2003-neñ awgustında urlağan ide, üz keşeläre törmädän azat itelmägän oçraqta Yaqupi makedon politsiäse xezmätkärlären üterü belän yanadı. Berniçä säğättän soñ ul alarnı cibärde, ä üze Kosovoğa qaçıp kitte. Berniçä ay däwamında şunda qaçıp yatqannan soñ ul Kosovodağı amerikan ğäskärlärenä birelde häm mart ayında kire Makedoniägä tapşırıldı.
