Accessibility links

Кайнар хәбәр

Yanukoviç Ukraina bötenlegen saqlarğa wäğdä itä


Ukraina premier-ministrı Viktor Yanukoviç yäkşämbedä ütäçäk saylawlar näticäse nindi genä bulmasın, Ukrainanıñ bötenlegen saqlarğa wäğdä itte. Bügen törle illärneñ ilçeläre aldında çığış yasap Yanukoviç, ciñelüne tanu – demokratik säyäsätçe sıyfatı, ä menä inqilabqa çaqıru – zäğiflek bilgese dide. Uzğan töndä ütkän teledebatta namzätlär ber-bersenä tänqitlär belderde. Oppozitsiä namzäte Viktor Yuçenko üzeneñ köndäşen, 21 Noyäber saylawlarında tawışlar urlawda ğäyepläde:

Audio (Viktor Yuçenko): "Ni öçen Ukrainada äle dä prezident yuq disäk, sez ğäyeple, çönki xärämläşülär öçen sez ğäyeple. 21 Noäyber saylawlarında sez 3 million tawış urladığız. "

Yuçenko Yanukoviçnı yaqlağan Rusiäne Ukraina eşlärenä tıqşınuda ğäyepläde. Yanukoviç isä, Yuçenkonı Könbatış häm Quşma Ştatlar yaqlıy, anıñ ciñüe ilne ikegä büläçäk dide:

Audio (Viktor Yanukoviç): "Viktor Andreeviç, ägär sez ciñep Ukraina prezidentı bulam disägez, yalğışasız, sez Ukrainanıñ ber öleşeneñ genä prezidentı bula alasız. Min monı telämim. Min sezneñ belän bergä Ukrainanı berläşterergä telim."

Bügen Yevropa Berlege yäkşämbedä ütäçäk saylawlarda ber yaqnı da almawın, ämmä tawış birülärneñ "ğädel häm irekle " buluın teläwen belderde.
XS
SM
MD
LG