Accessibility links

Кайнар хәбәр

Qatarda çäçän citäkçesen üterüdä ğäyeplängän ike urıs watandaşı Mäskäwgä qaytarıldı


Qatarda sörgendä yäşäwçe çeçen citäkçese Zelimxan Yandarbiyevnı üterüdä ğäyeplänep ğömerlek törmä cazasına xökem itelgän ike rus şpionı atnakiç prezident oçqıçlarınıñ berse belän Mäskäwgä qaytarıldılar. İke il arasında ireşelgän kileşügä kürä cinayätçelär qalğan cazaların Rusiä törmäsendä ütkäräçäk.

1996-1997nçe yıllarda Çeçnädä prezidentlıq wazıyfasın ütägän Zälimxan Yandarbiyev 2000nçe yıldan başlap Qatarda Dohada yäşädä fevralneñ 13dä mäçettän öyenä qaytqanda anıñ maşinasında qatı şartlaw bula Yandarbiyev ülä yanında utırğan ulı yaralana. Yandarbiyevnı terrorda häm al Qaida belän bäyläneşe buluda ğäyeplägän Mäskäw anıñ Russiägä qaytarıluın taläp itep kilde. İyün ayında Qatar mäxkämäse bu cinayät Rusiä citäkçelege yaqlawı Mäskäw belän Qatardağı Rusiä ilçelege koordinatsiäse belän oyıştırıldı dip belderde.Prokuror ülem cazası taläp itsä dä ike rusqa ğämerlek yäki 25 yıl törmä cäzası birelde. Anatoli Bilaşkov häm Vasili Bogaçev isemle bu şäxeslär üzlärenä quyılğan ğäyepne kire qaqtı. Mäskäw dä şartlaw belän alarnıñ bäyläneşe yuq , alar kontr-terrorizm belän şägellänüçe agentlar dip belderde.Şuşı waqığä neftqa bay AQŞ berektäşe Qatar belän Rusiä arasında diplomatik ığı zığığa säbäp buldı. Mäskäw birelgän cazalarğa kisken protest belderep, İminlek Şurası sekretarı İgor İvanovnı küp märtäbälär Dohağa cibärde. İvanov sonğı märtäbä İtar-Tass xabörenä kürä üktäber ayında Qatarda bulıp qaytqan. Atnakiçtä Qatar xabär agentlığı tışqı eşlär ministırlığına tayanıp törmädä utırğan ike rusnı Mäskäw sorawına esasän kire cibäräçägen häm alarnıñ qalğan cazaların Rusiädä ütiäçäklären belderde Federatsiä Şurası xalıqara Mäsälälär Komitetı citäkçese Mixael Margelov alarnıñ qaytarıluın yaña yıl büläge dip atağan .İnterfaxqa qarağanda Margelov Qatar xakimiätläre ike watandaşıbız häm alarnıñ yaqınnarına bik matur yaña yıl büläge birde dip äytkän. Küzätüçelär ütkän yılda Qatarda qulğa alınğan ämma patşa Abdullanıñ qatnaşuınnan soñ irekkä çığarılğan Yordaniäle jurnalistqa işarä itep , ike rus ta sonğı çiktä irekkä çığarılır digän faraz beldergän ide. Kiçä kiç Mäskäwgä prezident oçqıçlarınıñ berse belän qaytqan ike şpion 24 yıl yarım Rusiä törmäsendä utırırğa tieş. Alar şundıy şart belän qaytarıldı. Ämma ismeneñ äytüelüen telämägän ber duma deputatı ilneñ problemasın çişü öçen cibäregän keşeneñ törmägä utırtıluın sez küz aldına kiterä alasızmı dip sorağan färidä xämit
XS
SM
MD
LG