Bu çikläwlär berketmä talonnar yärdämendä, öydän torıp tawış birügä qarıy ide. Öydän torıp tawış birü barı tik fizik mömkinlekläre çiklängän keşelärgä röxsät itelgän ide. Konstitutsiä mäxkämäse bu çikläw Konstitutsiägä qarşı kilä dip anı köçennän çığardı häm başqalarğa dä öydän torıp tawış birü mömkinlegen qaytardı.
İsegezgä töşeräm, 21 noyäberdä ütkän saylawlarda töp xärämläşülär näq menä öydän torıp tawış birülär häm berketmä talonnar yärdämendä başqarılğan ide. Premier-ministr Viktor Yanukoviç ciñüçe dip tabılğan ul saylaw näticälären Yuğarı mäxkämä köçtän çığarıp qabat saylawlar iğlan itte. Oppozitsiä namzäte Viktor Yuçenko tarafdarları, qabat saylawlarda da xärämläşülär buldırmas öçen şul çikläwlärne kertergä taläp itkän ide. Şulay itep, tawış birügä ber kön qala Konstitiustiä mäxkämäse öydän torıp tawış birü mömkinlegen kire qaytardı.
Konstitiustiä mäxkämäse räise Mykola Selivon irtägä Ukraina xalqı ilneñ qanuni prezidentın saylar digän ışanıçın belderde. Üzäk saylaw komissiä räise Yaroslav Davıdoviç, tawış birülär aldan qaralğan tärtiptä ütäçäk dide. İke namzätneñ dä tarafdarları Konstitutsiä Mäxkämäse qararı tawış birü näticälärenä täesir itmäs digän ışanıç belderde.
Ul arada urınınnan kitäçäk prezident Leonid Kuçma, namzätlärneñ ikesen dä üz mänfägätlären ilnekennän östenräk quyuda ğäyepläde. Bügen televideniedä çığış yasap Kuçma här saylawçı "bäxetle kiläçäkkä" döres yulnı üze saylarğa tieş dide:
Audio (Leonid Kuçma): "Yaña prezidentnı saylaw belän bez Ukraina xalqınıñ xıyalı bulğan bäxetle kiläçäk yulın äle saylıy ğına başlıybız."
Ukrainalılar yaña citäkçesen ğädel häm irekle itep saylıy aluın üzlärenä häm bar dönyağa kürsätergä tieş, dide Kuçma.
Kiçä tämamlanğan saylaw aldı kampaniäse axırında prezidentlıqqa namzätlär Könbatış belän mönäsäbätlär tiräsendä süz köräşterde.
Yuçenko Yevropa belän berläşü Ukrainanıñ strategik maqsatı disä, Yanukoviç, köndäşen çit il köçlärenä xezmät itüdä ğäyepläde.
Tawış birülär yäkşämbedä cirle waqıt belän irtänge 8dä başlana.
-Ali Gilmi
İsegezgä töşeräm, 21 noyäberdä ütkän saylawlarda töp xärämläşülär näq menä öydän torıp tawış birülär häm berketmä talonnar yärdämendä başqarılğan ide. Premier-ministr Viktor Yanukoviç ciñüçe dip tabılğan ul saylaw näticälären Yuğarı mäxkämä köçtän çığarıp qabat saylawlar iğlan itte. Oppozitsiä namzäte Viktor Yuçenko tarafdarları, qabat saylawlarda da xärämläşülär buldırmas öçen şul çikläwlärne kertergä taläp itkän ide. Şulay itep, tawış birügä ber kön qala Konstitiustiä mäxkämäse öydän torıp tawış birü mömkinlegen kire qaytardı.
Konstitiustiä mäxkämäse räise Mykola Selivon irtägä Ukraina xalqı ilneñ qanuni prezidentın saylar digän ışanıçın belderde. Üzäk saylaw komissiä räise Yaroslav Davıdoviç, tawış birülär aldan qaralğan tärtiptä ütäçäk dide. İke namzätneñ dä tarafdarları Konstitutsiä Mäxkämäse qararı tawış birü näticälärenä täesir itmäs digän ışanıç belderde.
Ul arada urınınnan kitäçäk prezident Leonid Kuçma, namzätlärneñ ikesen dä üz mänfägätlären ilnekennän östenräk quyuda ğäyepläde. Bügen televideniedä çığış yasap Kuçma här saylawçı "bäxetle kiläçäkkä" döres yulnı üze saylarğa tieş dide:
Audio (Leonid Kuçma): "Yaña prezidentnı saylaw belän bez Ukraina xalqınıñ xıyalı bulğan bäxetle kiläçäk yulın äle saylıy ğına başlıybız."
Ukrainalılar yaña citäkçesen ğädel häm irekle itep saylıy aluın üzlärenä häm bar dönyağa kürsätergä tieş, dide Kuçma.
Kiçä tämamlanğan saylaw aldı kampaniäse axırında prezidentlıqqa namzätlär Könbatış belän mönäsäbätlär tiräsendä süz köräşterde.
Yuçenko Yevropa belän berläşü Ukrainanıñ strategik maqsatı disä, Yanukoviç, köndäşen çit il köçlärenä xezmät itüdä ğäyepläde.
Tawış birülär yäkşämbedä cirle waqıt belän irtänge 8dä başlana.
-Ali Gilmi