Accessibility links

Ukrainada qabat prezident saylawları


Ay buyı däwam itkän protetst çaralarınnan soñ bügen Ukrainada qabat prezident saylawları ütä. Saylawçılar Rusiä taraflı namzät Viktor Yanukoviç belän Könbatış qaraşlı Viktor Yuçenko arasında saylıy. 21 noyäberdä Yanukoviç ciñde dip iğlan itelgän ikençe tur näticäläre küp sanlı xärämläşülär säbäple köçtän çığarıldı. Meñlägän oppozitsiä tarafdarı il buylap protetst çaraları ütkärep bar dönyanıñ iğtibarın Ukrainağa yünältte. Uzğan saylawda 5 meñ bulsa, bügenge tawış birüne 12 meñ küzätüçe küzätä. İl buylap 33 meñ tawış birü urını açılğan. Älegä nindi dä bulsa citdi tärtip bozular turında xäbär itelmi. Namzätlärneñ ikese dä tawışların Kievta birde. Yuçenko xatını häm 5 balası belän kilde, barısı da oppozitsiäneñ qızıl-sarı tösenä kiengän ide. Yuçenko üzeneñ ciñüenä 100 protsent ışanuın äytte. Oppozitsiäneñ ay buyı däwam itkän häm bügenge qabat saylawğa kitergän protest çaraların ul Ukraina tarixınıñ qorurlığı dip atadı:

Audio (Viktor Yuçenko)

"İñ möxime – xalıq ciñde. Bügen saylawğa barğanda şunı uylap kildem: niçä million keşe Ukrainanı şuşı xälendä kürergä teläde. Soñğı 30 köndä bulğan xällär – bezneñ ata-babalarıbıznıñ eşe, alar bügen küktän qarap bezgä alqışlıylar."

Yuçenkonıñ köndäşe Yanukoviç ta Ukrainanıñ tarixi mizgel kiçerüen äytte, ämmä il öçen üzen yaxşıraq kiläçäk dip atadı:

Audio (Viktor Yanukoviç)

"Min Ukraina xalqı döres saylaw yasar dip kötäm. Üzem Ukraina xalqınıñ kiläçäge öçen tawış birdem."

Soñğı 10 yıl xakimiättä torğan häm şuşı waqıt eçendä küp cancal kiçergän prezident Leonid Kuçma namzätlärneñ ikesen dä saylaw näticälären ixtiram itergä çaqırdı:

Audio (Leonid Kuçma)

"Allağı tägälädän monıñ soñğı saylawlar buluın soradım, inşalla şulay bulır da. Ciñelgän namzät ikençe köngä köndäşen şaltıratıp qotlar. Häm bu soñğı noqta bulır. Ukraina bügenge xalätendä mondıy ozın saylawlar kütärä almıy."

Ukrainanıñ başqa töbäklärendä tawış birülär niçek ütte soñ. Uzğan saylawlarda kübesençä Yanukoviçqa tawış birgän könyaqtağı Mikolaev şähärennän Şamil İhsanov bezgä bolarnı xäbär itte:

Audio (Şamil Ihsanov)

Qırımdağı xäbärçebez Diläwär Osman bügenge tawış birülär turında bolarnı söyläde:

Audio (Diläwär Osman)

Ukrainada tawış birü urınnarı cirle waqıt belän kiçke 8dä yabıla. Berençe näticälär turında Azatlıqnıñ düşämbe tapşıruında.

-Ali Gilmi
XS
SM
MD
LG