Aceh -- Könyaq Aziädä sunami häläkätendä qorbannar sanı 70 meñgä citte. Xäräbälär astınnan yaña cäsadlar tabılğan sayın bu san artır dip kötelä. Meñlägän keşe, şul isäptän çit il turistları xäbärsez yuğalğan sanala. Berläşkän Millätlärneñ İndoneziädäge wäkile Michel Elmquist Aceh töbägendä genä qorbannar sanı 80 meñgä citergä mömkin dide. Yäkşämbedä Hind Okeanında köçle sunamiğa säbäp bulğan zilzilä şul töbäktän yıraq bulmağan urınğa turı klde. Qorbannarnıñ da yartısı şul töbäktän bulır dip kötelä. Bügen Thailandnıñ Phuket utrawında Fransiä Tışqı eşlär ministrı Michel Barnier bu häläkätneñ psixologik zıyanı da bik zur dide:
Audio (Michel Barnier): "Tulısınça cimerelgän ğailälär bar. Bez alarğa yärdäm itergä tieş. Minem belän monda psixologlar, psixiatrlar da kilde."
Dönya Sälämätlek oyışması, aşığıç çaralar kürelmäsä awırular tağın distälägän meñ keşene alıp kitergä mömkin dip belderde.
Audio (Michel Barnier): "Tulısınça cimerelgän ğailälär bar. Bez alarğa yärdäm itergä tieş. Minem belän monda psixologlar, psixiatrlar da kilde."
Dönya Sälämätlek oyışması, aşığıç çaralar kürelmäsä awırular tağın distälägän meñ keşene alıp kitergä mömkin dip belderde.
