Accessibility links

Кайнар хәбәр

Qazaxstan prokuraturası oppozitsiädäge Demokratik saylaw partiäsen mäxkämägä birde


Qazaxstan räsmiläre, oppozitsiädäge Demokratik Saylaw partiäsen yabu möräcägäte artında säyäsi säbäplär toruın kire qaqtı. Prokuratura belderüendä äytelgänçä, monıñ artında barı tik qanun häm tärtip urnaştıru tırışlığı yata. Prokuraturanıñ kiçä mäxkämägä tapşırğan möräcägätendä, partiäneñ soñğı belderüläre İminlek turındağı qanunğa qarşı kilä, digän ğäyepläwlär bar. Demokratik Saylaw partiäse prokuraturanı oppozitsiädäge firqäne yuqqa çığaru niätendä ğäyepläde. Partiä äğzası Batırxan Darimbät Azatlıqqa birgän äñgämäsendä monı Qazastanda ğomüm täräqqiät dip atadı:

Audio (Batırxan Darimbät): "Bügen Qazaxstanda säyäsi partiälärneñ xäle bik awır, di Darimbät. Ägär sin xökümätkä oşağannı, ul işetergä telägänne genä söyliseñ ikän, partiä bulıp yäşi alasıñ. Ägär inde anıñ zur xatalarına qarşı çığıp, bu turıda açıqtan-açıq äytäseñ ikän – şunduq ezärlekläw başlana."

Mäxkämädä berençe tıñlawlar Dikäberneñ 30na bilgelängän.
XS
SM
MD
LG