Accessibility links

Törkmänstan Rusiä häm Ukrainağa gaz cibärüne tuqtatu belän yanıy


Törkmänstannıñ bügen töndä Ukrainağa gaz birüne tuqtataçağı turındağı yanawlarınnan soñ Ukrain räsmiläre bügen aşığıç räweştä Törkmänstan belän söyläşülär uzdırdı. Ukrainanıñ gaz şirkäte Naftogaz başlığı Yuri Boiko süzlärenä qarağanda, söyläşülär inde kiläse yıl däwam itäçäk. Ukraina üzenä kiräk gaz külämeneñ yartısın Törkmänstannan ala. Törkmänstan tışqı eşlär ministrlığı belderüendä – gaz birüne tuqtatu niäteneñ säyäsi säbäbe yuq ide, çın säbäbe – yaqlarnıñ kileşügä ireşä almawı, dip äytelgän. Tışqı eşlär ministrlığı, Rusiägä dä gaznı bügen tön urtasında kisep quyaçağı turında xäbär itte. Bu adım isä – 7 ğınwarğa qadär gaz torbaların tözekländerü belän añlatıla. Törkmänstan mondıy yul belän Rusiä häm Ukrainağa satqan gaznıñ bäyäsen arttırarğa cıyına dip xäbär itelä. Älegä ber meñ kubik metr gaznıñ bäyäse $44, Törkmänstan bu bäyäne 60qa qadär arttırunı maqsat itep quyğan.
XS
SM
MD
LG