Gaza şähäre. İzrail ğäskäriläre bügen fälästin üzidaräse qaramağındağı Gaza sızığınıñ tönyağına kerde, ber kön genä elek İzrail xärbiläreneñ töbäk könyağındağı Xan Yunıs qaçaq utarında öç kön alıp barğan ğäskäri operatsiäse tämamlanğan ide. İzrail yağı şuşı ğämälen, Gaza sızığınıñ şul öleşennän yaqındağı yähüd utarına ike Qasiym raketası cibärelüe belän añlattı. İzrail premyer-ministrı urınbasarı Ehud Olmert, xärbi çaralar şulay itep aqlanğan, İzrail iminlek köçläre andıy ut açularğa qarşı köräşäçäk, bu bez telägängä qarağanda kübräk waqıt taläp itä ala, läkin moña çik quyılaçaq dip belderde.
