Ğıysyançılar 30-nçe ğıynuardağı saylawlarnı garantiälärgä tieşle töp köç Ğıraq Milli Gwardiäsenä höcümnärne arttırdı.Yäkşämbedä ike intiharçı maşinaların şartlağıçlar belän tutırıp Ğıraq xärbiläre utırğan aftobusqa barıp bärelde. 23 soldat häläk buldı . Höcüm Bagdadnıñ tönyağında Balad yaqınında AQŞ xärbi bazasına yanında buldı. Waqıyğä turında ğıraqlı xärbi Reuterğa(audio)
Höcüm irtänge 8dä Sayid Möxämmäd uramında buldı.Xärbilär aftobus belän xezmät urınına yul totqan çaqta şartlaw buldı 25 keşe ülde
Ğıysyançılar bügen dä höcümnärenä däwam itte Ğıraq waqıtlı premyere Allawi partiäseneñ başkwartirına yaqın urında maşinada bomba şartlatıldı ike keşe ülde. Alar press konferensiä ütkärü öçen başkwartirağa barğan partiä räsmiläre bulğan. Bügen Ğıraqnıñ törle urınnarında şulayuq Bagdadta tağı maşinada bomba şartlatılğan . Sonğı waqıtlardağı höcümnär politsiä, xärbilär ,cirle räsmilär häm saylawçılarnı terkäw üzäklären hädäf itep ala. Yäkşämbedä Diyala töbägendä ike xökümät räsmie, şulayuq yäkşämbedä Bagdadta politsiä mayorı ütereldä. Şuluq könne Tikritte saylawçılarnı terkägän 2 üzäkkä mina atqıç höcüm oyıştırıldı. Ğıysyançı törkemnär saylawlarğa qatnaşaçaq här kemne üterü belän kisätä. Äytergä kiräk alarnıñ bu kampaniäse ilneñ üzäk öleşlärendä saylaw räsmilären qurqutuda nindider däräcädä uñışlı buldı.Baiji şährendä saylaw komisiäseneñ barlıq äğzaları yanawlar säbäple çigende.Yäkşämbedä partizannnar kürşe Şarqat şährendä şähär xezmätkärlären uramğa çığarıp saylaw punktı bularaq qullanılaçaq xökümät binasın şartlattı Ğıysyançılar sonğı könnärdä höcümnären arttırıp xalıqqa politsiä häm milli gwardiä sezne saylawlarda saqlıy almayaçaq digän täsir qaldırırğa tırışa. AQŞ räsmiläre belderüençä saylawlarda qurqınıçsızlıq öçen Ğıraq iminlek köçläre cawaplı bulaçaq ämma amerikan häm xalıqara köçlär yaqında toraçaq , kiräk bula qalsa alar şunduq yardämgä kiläçäk.Qayber analitiklar iminlek tämin itelä almasa xalıq bigräk tä sönnilär tawış birügä qatnaşmayaçaq digän qaraşta.Qayber Sönni citäkçeläre bolay da saylawlarğa qatnaşmaqa çaqıra, alar bu tawış birü xakimiätne şığılarğa tapşıru bulıp tora digän fikerdä. Ammanda urnaşqan Xalıqara krizis törkemendä belgeç Joost Hiltermann sönnilär yäşägän töbäklärdä xalıqnıñ tawış birügä küpläp qatnaşmawı ğıysyançılarğa faydalı bulaçaq di(audio)
Sönni ğäräblär Ğıraqnıñ kiläçägendä politik azçılıq bulıp qalaçaq , privilegiäläre betäçäk digän qurqu säbäple saylawlarğa barmayaçaq şulay itep alar üzlären çitlätüne raslağan kebek üz maxallälärendä ğıysyannıñ artu cäyelüenä dä säbäp bulaçaq
Sönnilärneñ in möhim säyäsi partiäse Ğıraqnıñ islamçı partiäse saylawlarğa qatnaşmayaçağın belderde. Ul şulayuq saylawlardan soñ äzerlänäçäk yaña konstitutsiäne dä qabul itmiäçäk. İlneñ waqıtlı prezidentı sönni Gazi al Yawar xalıqnı küpläp saylawlarğa qatnaşırğa çaqıra. Xökümät sönnilärne saylawlarğa öndäw öçen qabilä räislärenä möräcäğät itte.
färidä xämit
Ğıraqta saylaw köne yaqınlaşqan sayın höcümnär dä arta
Ğıraqta ğıynuar azağında saylawlar ütkärelergä tieş. Ämma ildä bigräk tä sönnilär yäşägän urınnardağı iminlek problemaları tawış birü niçek bulır mikän digän ciddi sorawlar tudıra.Sonğı könnärdä Ğıraq milli gwardiäse, politsiä binaları häm tawış birü öçen terkälü üzäklärenä yasalğan höcümnär problemanıñ kiskennegen kürsätä.