Üzbäkstan üzäk saylaw komissiäse parlament saylawlarınıñ 26-nçı dikäberdä ütkärelgän berençe turınıñ räsmi näticälären iğlan itte.
Berençe turda 120 urınlı parlamentqa 62 deputat saylandı.
Saylawlarda qatnaşu öçen 5 säyäsi partiä terkälgän ide. Alarnıñ barısı da xökümät yaqlı. İñ küp tawışlarnı häm 21 urınnı iñ yaña partiä – Liberal Demokratik partiä yawladı.
İñ ölkän partiä – Xalıq Demokratik Partiäse 18 urın aldı. Bu partiä Üzbäkstan Kommunistlar Partiäseneñ warisı.
Fidakyärlär partiäse 9 urın, Milli yañarış partiäse 6 urın, Ğädellek partiäse 2 urın aldı. Parlamentqa 6 bäysez namzät tä ütte.
Qalğan 58 urınğa saylawlar 9-nçı ğinwarda ütäçäk.
